餐廳位置喺我拎網購嘅大廈-東達中心,木系休閒風嘅裝潢,簡潔企理。Menu主打Pizza,排類肉類,仲有意粉,沙律小食炸物等好多選擇。價錢親民,座位濶落幾適合傾計飯聚! 🍝海膽,香煎帶子海鮮汁意大利粉伴香蔥蛋醬 $頂層有大大粒煎帶子,上面仲放左煎到脆卜卜嘅海膽!海膽鬆脆可口香氣濃郁,帶子味道鮮甜有口感,香蔥蛋醬配意粉嘅海鮮汁夠creamy夠哂香濃😋 🦪生蠔菠菜芝士意大利飯 $146 原隻生蠔勁juicy得黎爽口彈牙,芝士味香濃但食落完全唔肥膩!意大利飯飯粒分明,煙韌有口感,唔錯! 🥗 珍寶蟹脆蟹餅伴粟米莎莎 $82 一客有三件嘅珍寶蟹餅,外層炸成金黃香脆,厚身之餘唔會一夾就散,蟹餅裏面嘅蟹肉係一絲絲,鮮味十足!配上粟米莎莎好夾! 🥣是日餐湯 $44 足料雜菜湯跟一個暖笠笠嘅包,大滿足!AGE Cuisine Express地址:鰂魚涌英皇道1065號東達中心11樓1104B室