疫情下當然冇得去最鐘意嘅韓國！之前lunch time 食過Bingo & Cook嘅韓國料理好正宗又好味！所以今次睇定openrice出左醬油蟹立即訂位去食！餐廳位置喺正地鐵站C出口對面，開揚式設計加上吊燈襯托下好有氣氛，店內全晚播住韓文歌食得食特別開心！menu當然有時令嘅 #醬油蟹 ，仲有炸雞、部隊鍋、豬腳，煎餅等韓式料理選擇好多！點擊圖片放大 醬油蟹 $380對上一次食醬油蟹喺韓國食，估唔到今次喺香港食都咁有水準！店員介紹上菜後先將蟹蓋部份嘅蟹膏放入飯度’襯熱”立即撈勻，跟住就可以品嘗蟹肉啦！醬油清晰明亮味道清甜，蟹肉同蟹膏色擇鮮艷，咬落去鮮甜無比而且肉質軟綿綿完全唔駛咬！學韓國人用力吸就最正！再食一啖撈勻左蟹籽，紫菜同蟹膏嘅飯！實在太好味！ 炸魷魚🦑 $70原隻魷魚炸至酥脆，而且食落仲唔會成口油膩感，爽口彈牙嘅魷魚帶點微辣，配上一紅一白醬汁，上枱後店員主動過黎剪成小魷魚圈，好細心真係好似去左韓國咁！ 薯仔煎餅🥞 $150平時食開海鮮煎餅呀，泡菜煎餅呀咁，今次想試下薯仔煎餅！又係傳統韓國人至愛！薯仔＋芝士，真係太好食！表皮煎到金黃色薄脆，內裡嘅薯仔🥔軟綿綿香口無比！冇得彈！BINGO & COOK地址： 銅鑼灣駱克道487-489號駱克駅2樓
