臨近聖誕約左好耐冇見嘅舊同事聚下，就佢公司喺中環近半山，附近仲有一路好想試嘅Wingman雞翼, 梗係要試！餐廳喺閣麟街，大廈入口喺正百街對面，座位唔算太多，裝潢黑色為主，一列大窗空間感十足～襯埋最強 “一齊叫雞” 嘅打卡位冇得輸！menu 主打當然是雞翼，有散叫雞翼，套餐雞翼，同任食雞翼 🤣🤣當然仲有沙律小食之類可以選擇！ Loads O’ Birds $398 有四種口味共24雙雞翼同2種配菜，我地揀左： 🍋黑椒檸檬🍋 乾身嘅類別我地只揀左黑椒檸檬，我自己最鐘意食乾身！焗到酥脆乾身，咬落脆卜卜！微酸嘅檸檬味加上惹味黑椒太好味！ 🍯黑芝麻海鮮蜂蜜🍯濕身嘅黑芝麻海鮮蜂蜜，面層有粒粒黑芝麻，配上甜甜嘅蜂蜜醬，甜中帶有卜卜脆，雞肉特別嫩滑！ 🌶️泰式甜辣醬🌶️ 一樣係濕身嘅泰式甜辣醬當然同麥噹噹嘅雞翼唔一樣，味道係更香更辣，而且雞皮至雞肉都好入味！ 🦀新加坡辣蟹🦀 算係幾辣嘅新加坡辣蟹味，辣得夠過癮，外脆內軟！正！ 點擊圖片放大 配菜點左 🥗菠菜甘藍沙律配柚子醬同烤蒜蓉大啡菇🍄 沙律份量幾多，大啡菇好juicy 好好食！套餐以外加左🍟松露醬薯條🍟炸到脆卜卜嘅薯條配至愛嘅松露醬 最後飲品點了🍻superbock 啤酒！太完美！Wingman 地址： 中環閣麟街37-43號祥興商業大廈6樓
