同事介紹近近地喺上環就有間蠔吧！餐廳地點喺上環文咸西街，門口冇明顯嘅招牌，好型咁只有地下嘅射燈！入到去好有feel，燈光微暗襯黑色牆同黑色餐枱！夠哂型格風！menu更加印得精美，成份報紙📰咁請朋友食飯絕對唔失禮！店員有禮主動介紹菜式同生蠔種類，讚👍 點擊圖片放大 🦪生蠔🦪 $378食生蠔梗係由淡至濃味咁食，由檸檬嘅左邊食起，首先係偏長型嘅Carlingford同 Arousa，兩款味道偏清淡肉質較薄身但好鮮甜爽口，跟住中間兩隻Boomer Bay 同Pattedoie肉質厚實更顯鮮甜，最後係右邊嘅 Orstra Regal中同 Gilladeau 海水味明顯濃D，口感豐富極甜美 ！其實隻隻都咁新鮮好味！必點！！！ 🍝卡邦尼意粉 🍝 $168擺盤認真靚嘅意粉，超濃芝士加上豬面頰肉粒，芝士味極香但食落完全唔肥膩！意粉煮到剛剛好！麵質彈牙好好味！cheese lover 一定鐘意！ 🥩美國頂級肉眼扒10oz 🥩 $428粉紅色嘅極靚肉眼扒，望落已經知係優質！切開更見油脂豐富，熟度剛剛好，肉質軟嫩仲好juicy! On side仲有牛扒必食嘅薯蓉、乾蔥同舞茸等配菜！份量夠哂我地兩個share！點擊圖片放大 最後點了招牌甜品🍮 Tiramisu $68，芝士非常之滑，配埋香濃咖啡味同淡淡甜酒簡直冇得彈！八蠔吧地址： 上環樂古道2號地下C舖
