中環街市必食！星期六陪媽咪去重新開幕嘅中環街市，樓高三層，有好多商店仲有好多食肆！12月仲有聖誕市集同表演好有聖誕節氣氛！我地食完lunch先去真係有D可惜，所以決定買D外賣返屋企食！行左好幾間最吸引又易拎返屋企就係 Hand3ag！menu 主打係厚厚嘅三文治🥪，仲有炸物小食！即叫即整好新鮮！要讚一讚個包裝十分精美同齊整，拎到返屋企都唔會好似打完仗咁！ 👍👍 點擊圖片放大 🦀蝦兵蟹將鐵板三文治🥪有我至愛嘅軟殼蟹，配小龍蝦沙律同甘藍菜沙律，其他配料仲有青瓜、生菜等。味道清新爽口🥗鮮甜嘅龍蝦肉同炸到脆卜卜嘅軟殼蟹勁夾勁好味！醬汁豐富成個包唔會好乾身！食完都好fresh～推介！ 🍡歐陸監獄鐵板三文治🥪 滿足”肉”望嘅一款三文治，有大大粒番茄肉丸，炸薯餅、芝士通粉、甘藍菜沙律同成隻荷包蛋！番茄肉丸肉味香濃又彈牙，炸薯餅保持脆卜卜，加上芝士通粉嘅芝士香超級正！配左甘藍菜沙律減少油膩感～仲有荷包蛋真係十分滿足💯 點擊圖片放大 🍤雖然外賣但都忍唔住叫左款小食🍟，就係炸魚粉薯條啦！忍唔住立即食左炸魚粒，超脆嘅外皮，加軟嫩嘅魚肉！真係外脆內軟呀！薯條就係粗薯條。自家製他他醬一D都唔馬虎！一試就會愛上！HAND3AG地址： 中環皇后大道中93號中環街市2樓242C號舖
