去開新蒲崗拎嘢，佢話順食一間超強嘅日本餐廳。餐廳裝潢以日式風格，門口好多日式燈籠🏮仲有一個大雪櫃可以外賣海鮮刺身等，感覺好似去左日本嘅地道街市！menu 主打梗係海膽，仲有刺身、壽司、拉麵，丼飯，串燒等日式料理！價錢好親民！讚👍 🍣爆膽丼 $168 超靚嘅丼飯有兩層勁多嘅加拿大海膽，海膽香濃厚實，入口鮮甜甘香溶化，伴碟有大大粒三文魚籽同紫菜！紫菜包住一齊食更添美味！丼飯份量足，仲會跟沙律同湯！超滿足！ 🍣海膽三色丼 $128 同樣擺盤勁靚嘅海膽三色丼，上層有加拿大海膽，下層有厚厚嘅香蔥拖羅，特多爽脆香蔥，配上軟綿細滑香甜肥美嘅拖羅蓉，加上有有大大粒三文魚籽同紫菜，有齊我自己最鐘意嘅三種刺身集於一丼！我比滿分💯 點擊圖片放大 🍣倍化帶子吞海膽 $88 打卡必點，又好睇又好食！帶子新鮮香甜，配埋海膽冇得彈！ 🍣三文魚刺身 $68 厚切嘅三文魚油脂勁香份量足！最到最後必點無敵鮮甜嘅燒菠蘿🍍 仲有燒帆立貝 $38都唔錯！海膽仔地址： 新蒲崗衍慶街2-32號新蒲崗大廈地下Q號舖
