喺正SOGO對面新開左La Famille！之前同事生日食過一次，個蛋糕超級綿又好味！所以我地決定share食就可以叫多幾款！太正啦！除左款式極靚啱哂打卡之外，最重要都係味道清甜而不膩！ 🌹法國玫瑰🌹$56- 女仕至愛pinkpink嘅法國玫瑰，面層有士多啤利、白朱古力加薄薄嘅幼滑忌廉，切開有味道香甜玫瑰味cream配上鬆軟無比嘅蛋糕，味道清新甜美！我自己最鐘意！ 🌰沖繩黑糖栗子蒙布朗🌰 $56- 大大粒栗子，配上層滿滿香甜栗子蓉，有幾片薄薄嘅黑白朱古力襯托，中間夾住幼滑嘅忌廉，配埋下層軟綿綿嘅蛋糕食口感豐富！ 🍌焦糖完熟香蕉🍌 $56 – 頂層有朱古力脆脆、raspberry、同幾片薄薄嘅黑白朱古力襯托，配上濃厚焦糖味嘅Cream, 下層係芳香嘅香蕉蛋糕，裡面仲有粒粒香蕉肉，味道香口又好夾！ ☕榛果炭燒咖啡☕＄56- 大大個朱古力脆波，配上咖啡同榛果味嘅cream ，咖啡味道特別軟滑香醇！榛果味道香濃惹味！加埋一齊食簡直滿分！ 🍫雙重朱古力🍫$56-頂層有朱古力脆脆，內層有朱古力味嘅忌廉，滿滿濃郁嘅朱古力香氣！口感香滑細膩！朱古力迷必點！
