好朋友生日飯唔敢馬虎，search IG睇倒天后有高質居酒屋決定試下～餐廳地點喺清風街，menu 種類都幾多，有串燒、一品料理、炸物、燒物同主食等。 傳統日式裝潢，座位濶落舒適，店員細心介紹有禮，讚！ 我地兩個都想食串燒，點左D店員推介嘅（由左至右）：點擊圖片放大 🍢黑松露醬雞肉棒 🐓 $55 香濃嘅黑松露醬，配搭軟嫩嘅雞肉加上雞軟骨，食落口感豐富仲好juicy！🍢明太子沙律醬雞肉捧🐓 $50 , 同黑松露醬相比味道相對清新爽口，吃出雞肉捧另一番味道！ 🍢紫蘇芥末豬五花腩🐷$38紫蘇葉香氣撲鼻！配上芥末一齊食中和左五花腩嘅油脂！相當美味！🍢雞皮🐓$28 去日本食串燒最愛嘅雞皮，呢度燒到好鬆脆！唔錯！🍢豚肉蘆筍串 🥬$32 鹽燒嘅豚肉加上蘆筍嘅鮮味，清爽！🍢燒白鱔🐟$78個人推介燒白鱔，唔好睇佢白雪雪！咬落去簡直驚喜！薄薄嘅外皮十分脆口，肉裡嘅魚肉非常嫩滑！輕輕調味就引出鱔嘅鮮味！正！點擊圖片放大 🍢牛小排配蘿蔔蓉醋 $45 牛小排肉味香濃，保留豐富肉汁！配埋蘿蔔蓉醋一齊食好清新！🍢汁燒雞中翼🐓$36 冇人唔鐘意食嘅雞翼無敵好味！🍢大蔥雞肉串 $28 大蔥燒到剛剛好，雞肉加上鮮甜醬汁！好味！點擊圖片放大 🥗魷魚薯蓉沙律 HK$88頂層有搶鏡嘅溏心蛋，中間嘅薯蓉波波唔會超重牛油味！食落軟綿細滑薯仔味濃，下一層有爽口魷魚！口感豐富清新！ 🍱原條鰻魚丼 $188上枱時睇倒一條比丼飯盒仲要巨型嘅原條鰻魚，當堂比佢嚇一嚇！實在性價比太高！鰻魚除左長之外，仲係幾厚肉！外皮燒到焦香，魚肉新嫩軟滑非常肥美。鰻魚汁味道啱啱好，食時唯一小心好多細骨，加埋飯食真係一流！跟飯仲有個鰻魚肝同味增湯！最後點埋日式炒雜菜 $68，同埋 Asahi生啤🍻 啤啤佢！超滿足嘅一餐！! 碗盛 地址 ： 天后清風街9-11號寶德樓地舖
