原來鴨脷洲西邨街市嘅蟹點,好出名食胡椒蟹,仲同時有泰國菜粵菜同潮洲菜!咁多選擇一於去試下啦! 餐廳都好大,座位濶落人流都幾多!點左有蟹嘅菜式仲有圍裙同即棄手套提供!又幾細心!點擊圖片放大 招牌白胡椒蟹 $498 名不虛傳嘅招牌白胡椒蟹,超巨型嘅蟹大約有一斤重,原隻放喺鐵板上枱,店員立即淋上白胡椒醬汁!吱吱聲又超級香!難怪枱枱都點蟹!醬汁非常惹味,香辣而唔油膩,包著啖啖鮮甜肥美嘅蟹肉真係超!級!好!味!推介! 👍👍👍👍 👍 🌶️泰式:金不換炒花甲 $98 金不換同花甲原來好夾!配料同香料特多,花甲新鮮爽甜!值得一試呢個組合! 🦑 潮洲菜:鵝件併墨魚 $168 見倒有潮州菜立即想食鵝!鵝肉滷得好入味,鵝肉香濃軟嫩,肥瘦適中而且份量非常多!墨魚爽口彈牙!雖然係點雙併原來下面仲有豆腐同花生! 🍜粵菜:豉油皇炒麵 $78 去親大排檔必點豉油皇炒麵 !最容易嘅菜式最考功夫!豉油味香,炒麵乾身唔油膩,呢度嘅炒麵簡直滿分💯點擊圖片放大 蟹點地址 : 鴨脷洲鴨脷洲橋道322號西邨街市1樓