今次食嘅係嘉連威老道新開嘅日式居酒屋～天滿宫！餐廳裝潢以傳統日式木系設計，卡位多，坐位濶落！每個位上都係電子爐，方便煮壽喜燒或燒烤🔥星期一至四晚市仲有二人前優惠餐，啱哂我地探店唔駛自己諗就食哂店長推介！正！ 🍲二人前和牛特盛壽喜燒套餐🥩 $488 （仲包飲品😱）🥩和牛特盛壽喜燒：呢度同喺日本食過嘅一樣，壽喜燒先煮好蔬菜菇類，最後先放肉落湯汁到，輕輕煮至粉紅色，夾起後點上日本蛋汁～～超～美～味～～！切至薄片嘅主角澳洲和牛，肉味香濃多肉汁，油脂均勻軟嫩無比！壽喜燒鍋內煮到甜甜嘅蔬菜🥬有冬菇、金菇、椰菜同豆腐等！十分豐富！ 🦪清酒生蠔兩隻：清酒🍶配生蠔，酒味清香，生蠔巨型又鮮甜可口！完美！order一打我都食得哂！ 🍣刺身二人份：包括牡丹蝦、三文魚，白身魚，牡丹蝦夠鮮甜，兩款魚生油脂細膩香口！冇得彈！ 🥗漬物及小食：分別係炸池魚同漬物牛蒡，各有特色同好味！ 🍢串燒四串：醬燒雞肉大蔥串、鹽燒雞翼、燒菠蘿🍍同秋葵 🍡甜品： 日式蕨餅 🥤飲品：柚子檸檬綠茶🍵唔喺套餐內面但店員推介兩款和牛小食： 🔥火炙和牛卷 $88 ： 薄薄嘅和牛包住青爽嘅青瓜同黃瓜，亮點配埋脆蒜同蔥花，令成個卷物份外惹味！ 🍣牛肉他他 $68: 黑松露遇上牛肉他他，肉味同松露味嘅結合！勁好食！必食！天滿宮 尖沙咀加連威老道41C號嘉威大廈地舖
