亞姨生日梗係要食豪D！諗起上星期喺利舞台見完客，譽宴•星海薈有好多優惠推廣，啱哂鐘意食中菜嘅亞姨口味，所以book定 3位繼續 #同亞媽飲茶系列 啦！酒樓裝潢優雅高級！入口大大條花花樓梯超啱做婚宴，漫天星海燈配特高樓底顯得更濶落，優惠套餐都幾多選擇！ 🦞澳洲龍蝦伊麵🍜 $588（每隻約1一斤6兩，可選上湯焗或芝士）梗係要點亞姨至愛上湯焗澳洲龍蝦伊麵！龍蝦肉極鮮甜，煮到剛好彈牙多汁, 啖啖龍蝦肉份量持多！上湯味道咸度適中，食落香濃唔會太油膩，配埋完美拍檔伊麵一齊食超滿足！呢個份量2-3人食都夠！推介！👍👍👍 🧊冰鎮花雕5頭南非鮑魚🇿🇦 $58隻 優惠價$58隻梗係要試！原隻5頭南非鮑魚，將鮑魚冰鎮後切開4至5片，鮑魚肉林身又帶點煙韌，配埋花雕酒味清香之餘帶出鮑魚鮮味！口感豐富，必食之選👍👍👍 🥣紅燒煲仔翅～ $188未座低已見隔離台煮緊紅燒煲仔翅，亞姨即時心心眼！原來仲做緊優惠價$188位，店員話一個煲有足三両紅燒煲仔翅！睇住佢加熱再上枱～上枱時仲滾滾下！視覺享受十足！飲一啖翅湯，再用快子夾起翅黎食！味道簡直係滿分💯💯💯
