天婦羅係我去日本必食之一!餐廳喺利東街,裝潢全木系顏色,十足十日式小店。放工後6點半就去到,唔算人多,坐得舒適!Menu主打梗係各式各樣嘅天婦羅🍤天丼!除左跟飯,仲有冷熱熱稻庭烏冬~ 太吸引了! 🍤江戶前天丼🍱 $138我坐個位望倒廚師即叫即炸!香氣撲鼻!炸至金黃色~極度吸引!江戶前天丼包括:炸蝦、穴子、小柱魷魚天婦羅餅、紫菜、小豌豆同溫泉玉子。巨型超長嘅穴子 (即係鰻魚)炸到卜卜脆,咬開就係軟綿綿嘅魚肉口感鬆化,食落唔油膩之餘仲好香口,炸蝦一樣好出色,炸粉啱啱好!蝦肉新鮮甜美!最驚喜係小柱魷魚天婦羅餅!極度軟嫩彈牙!我以為食緊魚蛋!一試難忘!跟枱面教學,食到咁上下先整開隻隻流心蛋,蛋汁加埋秘制天婦羅醬汁令到成個飯更惹味!飯量唔會太多,食完飲返杯黑豆茶消一消油膩,簡直滿分💯! 🍤軟殼蟹天丼🍱 $148店員推介呢個”連續7屆榮獲日本全國天丼金賞”嘅 軟殼蟹天丼!海鮮控梗係要試啦!鮮甜厚肉嘅軟殼蟹酥炸至香脆,蟹肉厚實勁好味,其他配料包括炸蝦、小柱魷魚天婦羅餅、紫菜、小豌豆同溫泉玉子~超豐富!樣樣都好味,就白飯都會全清!跟餐仲有傳統味噌湯及前菜!值得再來! 金子半之助地址:灣仔皇后大道東200號利東街地下G16號舖