好朋友話好耐冇食傷心酸辣粉,大家嘅辣癮又起!立即search下原來銅鑼灣金伯利商場就有得食傷心酸辣粉!12點去到都坐滿大半人!原來menu除左酸辣粉,仲有得食~雞~煲!麻辣雞煲二人餐都係$199!包埋任揀4款火鍋配料+兩杯飲品!實在太太太正啦!立即轉軚食雞煲🌶️🌶️🌶️ 🍲🌶️重慶麻辣雞煲 二人餐 (半隻雞) $199 (一隻雞 $299) 配料: 肥牛/豆卜/蓮藕片/小寬麵 飲品: 凍檸茶🍲🌶️成個雞煲醬汁香濃,咸度同辣度啱啱好,我地點左小辣剛好刺激味蕾唔會太OVER! 半隻雞份量都幾多,雞肉嫩滑有雞脾有雞翼,啖啖肉沾滿醬汁勁入味!食到咁上下店員會加入高湯,就可以開始~打~邊~爐!! 千祈唔好睇少配料嘅份量!份量真係好足!雞煲+肥牛有驚喜,加入高湯後,再淥牛肉湯更濃!肥牛夠淋有肉香!讚!蓮藕片切到好薄入口爽脆好啱打邊爐,原來小寬麵即係類似蛋麵! D麵吸哂D湯真係勁好味! 小食推介: 貢菜皮蛋 $31 ,糖心皮蛋本身已經好好味,皮蛋上嘅貢菜加蒜香🧄同辣汁配埋簡直冇得彈!!必食!!傷心酸辣粉 地址: 銅鑼灣金伯利廣場5樓R3室