餐廳喺澳門逸中心嘅樓上舖,menu設計簡潔,主打卷物、壽司同刺身,天氣熱熱地食啱哂,仲有其他日本料理例如:串燒、鍋物之類。店員有禮,價錢親民!食物質數高! 🍣紅龍卷🍣 $124cream cheese醬放喺新鮮吞拿魚上,卷物裡面係炸蝦同芝士。一口份量,多重口感,上層creamy,加上吞拿魚鮮味,中間再食倒炸到卜卜脆嘅蝦!推介!好味! 🐟西京燒銀鱈魚 $145主角銀鱈魚超有氣勢!表皮小小焦香,帶點醬油香甜嘅醬汁! 上枱已經聞倒好香! 兩片大大片嘅銀鱈魚,肉質嫩滑到冇得彈!油份適中食落唔會好乾!好味! 🥗龍捲風沙律🥗 $82打卡又好味嘅一個巨型沙律!真係食得又睇得!頂層有高高在上嘅蟹柳,中層有大量蟹籽加爽口嘅中華沙律!配埋底層嘅生菜,沙律醬係我最鐘意嘅千島醬,原來仲加左薯片!估唔倒又幾夾,成個沙律清新又爽脆! 🍢日式炸豆腐 $45賣相都極靚嘅炸豆腐,外脆內軟!炸皮啱啱好,唔油膩!面頭有好多木魚絲,豆腐軟綿綿好滑 最後點埋枝豆$51,份量多!唔錯!古今Premium 地址: 銅鑼灣軒尼詩道525號澳門逸園中心21樓