疫情下真係好想好想飛,好姐妹知我太太太掛住韓國了!決定一齊去返轉首爾,去瘋狂打卡同食返個超人氣嘅街頭小食!餐廳地點位於勁旺勁多餐廳嘅厚福街,樓上舖一開𨋢門已經好似時空穿梭!店舖不大,但每個角落都係打卡位,韓國街頭盡現眼前!聽住韓文歌,睇住兩個小食檔不停煮!特別滋味! Menu有鍋物、炸雞、煎餅、飯卷、便當等,大部份都係百零蚊!價錢合理!下次再試其他嘢,記得一定要預早book 位!點擊圖片放大 🍢街頭魚糕串串 $ 138 (M)一邊滾一邊食嘅串串魚糕用韓國鍋上,賣相特別正!湯底清甜有魚香味加小小微辣,配料有洋蔥同青蔥等刺激味蕾,M size份量嘅串串魚糕都幾多,魚糕有幾款唔同種類,口感彈牙,配埋特製醬汁更加鮮味!點擊圖片放大 🧀芝士甜辣炒雞🌶️ $98芝士達人指定要點呢個芝士甜辣炒雞,微熱嘅鐵板上,頂層放滿濃濃嘅拉絲芝士!中間放上顏色奪目嘅甜辣炒雞,最底層配料有特多洋蔥,青蔥同埋韓國嘅🌶️青辣椒🌶️!!!拉絲芝士軟綿綿,甜辣雞香辣嫩滑,加埋爽口配菜同埋必食嘅青辣椒🌶️!辣得刺激🔥🔥實在太好味! hoo韓國包車地址: 尖沙咀厚福街12-12A號藍馬商業大廈22樓