東港城都開左之前喺旺角食過嘅OCIO, 餐廳裝潢以木系傢俬同植物為主嘅文青風,店舖大座位濶落舒適!Menu 價錢相宜,牛排、意粉,春雞都係百零蚊!👍👍👍 Dinner set 跟餐湯,+19可轉特色飲品! 點擊圖片放大 🔥🍗去骨BBQ燒春雞伴黑松露薯蓉 $138 懶到出汁嘅我真係大愛去骨春雞 !春雞雞肉嫩滑有肉汁,生熟煮得啱啱好,雞胸都好軟身!醬汁香濃夾埋春雞一齊食更惹味!黑松露薯蓉軟滑無比,聞落同食落都好香而唔膩!配菜仲有幾片燒烤嘅瓜同沙律菜! 🌶️🦐冬陰功大蝦燴意大利飯 $128 一上枱已經聞倒超香濃嘅冬陰功味,機乎每一粒飯都充滿冬陰公汁!兩隻大蝦爽口新鮮,蝦肉札實,意大利飯煮得軟硬適中有口感!配料有菇類同蝦片,份量好足! 🍞鑄鐵鑊仔法式吐司🍯 $65 跟楓糖漿 熱辣辣嘅鑄鐵鑊上夠哂派頭,樣靚仲好好味!外層焗到酥脆嘅麵包皮帶點焦香,內裡有小小似梳乎厘嘅質感好特別,質感軟綿綿同好香蛋味,加埋楓糖漿食超正!OCIO 東港城分店地址:將軍澳坑口重華路8號東港城2樓238號舖