因為個傻佬有個舊同事係澳門人,所以睇演唱會之前特登去搵一搵佢。佢呢個fd 都好熱情,特登揸車在我哋去飲咖啡,話係澳門人一定會去。 喺路環碼頭打完卡之後,我哋經過一啲廢船廠,行咗大約5分鐘,就嚟咗呢間漢記咖啡。因為之前已經食到好飽,所以就淨係點左兩杯咖啡,一杯熱一杯凍。 我飲咗第一啖熱咖啡,嘩,真係好濃好滑,好似想滑入喉嚨咁,奶香同埋咖啡的苦澀味平衡得很好。我幾啖就飲咗大半杯,之後試埋傻佬杯凍咖啡,感覺熱咖啡的奶味比較突出,不過如果天氣好熱,都係凍咖啡好啲。 同佢呢個舊同事傾左陣計,雖然澳門每年都派錢,而且係賭場做嘢收入不錯,但係澳門人都對政府有好多不滿。唔係我哋一般香港人覺得派錢就好好咁。 最後傻佬個舊同事車我哋去到卡夫卡甜品,改變左我對澳門甜品嘅印象。