夏日炎炎去京都唔知做咩好？ 識食又識玩嘅你 梗係要上貴船食夏日限定嘅流水麵啦！ 今年暑假我同蛀米先生去左2日京都 :D 冇錯！係得2日！ 而其中一日我地就決定來一轉「小蛀米 大長征」：上貴船食流水麵！ 要上貴船食流水麵絕對係一個超級大挑戰！ 點解？ 因為貴船流水麵11點開鋪 但9點幾10點已經好多人排隊等住食～ 11點你都未到嘅話，分分鐘要等到下午3、4點先有得食 >_<!! 點都好啦～Challenge Accepted !!!!!!!!! 當日我同蛀米先生7點半就起左床 8:00開始搭車搭車再搭車之旅~ 由大阪十三駅出發 係冇港鐵轉乘優惠嘅慘況下轉車轉車再轉車 好不容易搭到貴船口駅再等30分鐘巴士搭上山 以為搭完巴士就到達目的地？傻豬黎～ 上到山仲要行多20分鐘先會見到「ひろ文流水麵」！ 所以話呢～絕對係一個意志大挑戰！ 不過講開又講~ 雖然搭車搭到頭都暈 但沿路嘅風景一直都很美 所以心情一直都係超級好嘅呢 :D 點擊圖片放大 行上山果陣 你會見到周圍都好熱鬧 因為貴船好出名川床料理~ 好多人都會特登上山食架 :) 不過......作為窮苦書生嘅蛀米小姐同蛀米先生暫時未有咁嘅財力去享受 -w- 日後有機會再試吧 :D 登登登櫈～ 搞左一輪我地終於上到ひろ文流水麵喇！！ 明明已經係開店前半個鐘左右上到去排隊 居然都要排到第28張枱 >_< 所以話呢 想食真係要早起身！ 俾大家參考下啦 食流水麵以人頭計算~ 每個人1300yen (ard 92HKD) 流水麵鋪頭門口有個店員會負責派籌嘅工作~ 你同佢講幾多位佢就會俾把排左no.嘅扇同食流水麵嘅instructions你 拎好哂野之後佢會帶你落去一個休息區等食 休息區係一個好舒服嘅川床位置 因為近水嘅關係 呢個休息區係非常之涼爽架 :D 怕熱嘅孩子們不用怕 :) 等到12點幾1點左右 店員終於叫到28號喇！！ 你明唔明果一刻係幾咁感動 TvT 等店員執好枱就到我地食喇 :DDDDDDD 坐低左之後 店員會同你講邊條河道屬於你 咁果條河道黎親嘅麵就全部都係俾你食架喇 :) 第一次望住d溪水食麵好緊張好興奮des~ 每株麵黎親都好緊張自己夾唔切haha 而每次成功夾起成株麵都超級開心超有成功感 [對啦我係比較易滿足嘅一群-w-] 重點：點麵食果個蔥花醬油好好味 :DDDD 之前research果陣見到有人話得幾株麵~ 不是真的啦！！ 我食左至少8-9株麵～有夠飽 而一向以大食見稱嘅蛀米先生亦都認為係夠食嘅 所以不用擔心不夠飽嘅問題 :) 而食完流水麵之後 仲會有1杯玄米茶同3粒綠茶蕨餅做甜品添~ 超級滿足des！！ 食飽飽之後我地就係山上周圍行 附近有好多日式寺廟可以參觀 :) 就這樣度過了一個很充實很美好的半天貴船遊 ;D 提醒一下想去嘅朋友們 貴船流水麵一年只係得4個半月有得食 想食嘅朋友就要係5月至9月中期間去一轉貴船啦 很值得的 :) 店鋪資料 貴船ひろ文 地址：〒601-1112 京都市左京区鞍馬貴船町 電話：075-741-2147 備注： - 流水麵是夏日限定的，5-9月先有得食 - 雨天不開門，陰天的話建議大家搭車前可以先打電話去問問當日做唔做生意
