講到近期至hot 嘅 topic 非Pokemon Go莫屬 尋日搭地鐵排隊果陣 見到一位年約40-50歲左右嘅太太玩Pokemon Go 或者係佢跟隊上車跟慢左 後面一位廿歲出頭嘅男士就陰聲陰氣咁話佢 "唔係呀師奶都中毒 連比卡超係咩都唔知就咪學人玩啦" 係旁邊聽到嘅我雖然岩岩捉到車厘龜好開心 但聽到佢呢句野 真心覺得難聽過粗口。 你以為玩Pokemon Go 真係為左捉比卡超做小智咩？ 有一晚 我食完飯落街去超級市場買野 見到一家三口拎住部電話開住pokemon go係街度行 媽：嘩！呢隻野黃色咁大隻嘅 囡：呢隻叫電擊獸呀，好勁架！ 爸：喂！有粒星星 (海星星) 係呢度呀！ 係架 佢地唔一定識佢地見到果d精靈 對佢地黎講 可能捉到卡比獸定波波都一樣 重要嘅係 佢地因為呢隻game而同囝囝囡囡又或者年青一輩多左話題 而佢地願意為左多一個話題而download呢個app 嘗試去玩呢個遊戲 認識年青一輩嘅世界。 其實就算唔玩Pokemon Go 你咪又係會碌 facebook、instagram 玩電話誰都會 沒有誰比誰高尚。 開口出言侮辱之前 請嘗試了解一下呢個世界 設身處地係其他人嘅角度出發去思考 可能佢地所做嘅 比你想像中偉大 ：）
