媽媽年輕嘅時侯係日本經歷過地震 所以而家我每次同佢講去日本玩 佢都會好擔心 為左令佢冇咁憂心 今次去到東京第一日我就去左池袋嘅防災館 認識一下日本經常面對嘅天災係怎樣一回事 學習一下有事嘅時侯應該點應對 :D 池袋防災館位於西池袋2丁目37番地8號 搭鐵嘅話可以池袋駅落 大約行5－10分鐘左右就到架喇:) 佢座building門口有大大隻字寫住池袋防災館 包你唔會睇唔到搵唔到 雖然防災館只係佔呢座building其中一兩層 但其實入面有好多野學、好多野玩 今次我就玩左滅火、濃煙密室逃出、地震 3個體驗 :D 入到去防災館 職員第一時間就會帶你去locker度放低自己野先 所以唔需要擔心自己果日拎住好多野去玩架 係絕對冇影響架 :) 放好行裝 職員就會帶你去一間房度睇一齣關於天災嘅卡通片 雖然聽唔明日文 但因為有英文字幕 所以都唔難理解佢講咩嘅 :) [ 利申：套卡通有d長，唔太好睇，同行6位朋友有3個睇到訓着左LOL ] 睇完卡通就到滅火體驗 職員會圖文並戍咁同你講解點用滅火筒 仲會俾你試用滅火筒滅投影出黎嘅火添 玩完火就到濃煙密室逃出體驗喇 同樣地 職員都會用日文講解左一番有濃煙要點做先 講解完就會將同行者分組帶入密室準備 係密室入面本身都幾光嘅 但一開始有濃煙 燈就會一直慢慢變暗 直到間房全黑為止 逃出途中唔小心吸左幾啖煙 不用擔心 唔係真煙黎嘅 唔會有真 ‧ 危險 成功逃出之後就到今次嘅重頭戲－大地震體驗！！ 咁大個女都係第一次感受地震咋～好緊張！ 去到地震體驗區 職員會再將同行嘅人分組 分好組之後佢就會帶你入去坐低同教你地震要點做 今次我地經歷嘅係2011年東日本大地震 原來9級地震真係好好好好好好好震 話就話lay左係枱底好安全 但依然會俾佢震到不停撞到枱底枱角>_< 簡單黎講 呢次去池袋防災館 成就左我人生第一次用滅火筒 成就左我人生第一次逃出濃煙 成就左我人生第一次感受地震 係幾特別幾好玩嘅 哈哈 如果你都想體驗一下 記住要一兩個月前send email去預約呀：） 池袋防災館 地址： 東京都豊島区西池袋2丁目37番地8號 開放時間： 09：00－17：00 預約email： ikebukuro@tokyo-bousai.or.jp
