豬隊友澄澄爸心得: 澄澄妹踏入20個月的時候，其實已經識同爸爸媽媽講要大便，但為左迎接之後返n班要戒片，所以爸爸媽媽都開始慢慢同澄澄灌輸要同爸爸媽媽講尿尿的意識。 未同澄澄妹戒片之前，爸爸真係覺得呢個將會係一個好艱巨的任務，因為平時由爺爺嫲嫲湊，好難要求佢地要同澄澄妹著底褲唔著片（始終清理非常麻煩），而爸爸亦覺得反正上n班會有老師同嬸嬸幫手同澄澄戒，所以自己係抱住隨緣既態度，好多時澄澄係地板尿完爸爸仲笑笑口，好彩有媽媽堅持幫澄澄著底褲，最後唔使一個月澄澄已經會主動講屙尿啦，夜晚臨訓有時仲識用呢招氹爸爸媽媽落床出廳陪佢玩添。 總結來講，我認為戒片最重要係對孩子的信任。返幼稚園適應時好多媽媽或者係四大長老講起自己bb未到片好多時面有難色，其實每個小朋友係每樣發展都有自己的時間表，比較係冇意義既。 同埋，當下決心要戒片既時侯，唔好怕麻煩而間中俾佢著尿片，因為屙尿落底褲同屙落片，對bb的感覺係差好遠，因為片片吸水勁好多時屙左佢都唔覺，屙落底褲又濕又凍先令佢明白到去廁所小便的好處（當然照顧者都要盡快幫bb換褲以免著涼。） 所以，如果以正面態度去看待戒片，其實戒片都係一樣好好玩同難忘的親子回憶來架。 ************************************************************************************ 護士媽媽專業心得: 戒片計劃由5月開始，事緣天氣太熱，著住尿片出街真係太折磨，pat pat 成日出汗，yip 到熱痱，另外，根據衛生署指引，我留意到囡囡已經做到以下幾點，於是所以媽媽決心幫佢戒片。 如果小朋友有以下任何一個跡象，就可以開始了： -白天可保持尿片乾爽最少兩小時，或在午睡中沒有尿濕 -大便的時間變得有規律 -能夠服從簡單的指示和能用表情、動作或說話向家長表示有尿意或便急，例如紅著臉或者說「尿尿」 -對上廁所或坐便盆感興趣 -因為尿片弄濕了或弄髒了而感不安 澄澄妹戒片期間，即使去商場我地都堅持俾佢著底褲，並且定時定候帶佢去廁所。 戒片初期要有好大耐性，因為小朋友未慣，未知急尿要表達，甚至會覺得尿濕好好玩，會玩自己尿尿。所以呢個時候大人要教識佢，同佢講:你大個女喇，可以唔使著尿片，如果急尿，你要同爸媽講，我地會帶你去厠所。開頭佢會成日尿濕，但千萬不要怪責佢，只需提醒佢下次急尿同爸媽講竟可以了。我用了一個月多d成功幫澄澄戒到片，而家佢出街都唔使著片，會識同我講要屙尿/屎。 大小便的控制是孩子一個自然的生理發展階段，也是需要時間去學習的，並不是愈早開始訓練就愈好。一般來說，在小朋友歲半至兩歲期間，如果你觀察到他有一些特定的跡象，就可以開始訓練他戒包尿片了。 怎樣訓練孩子去厠所呢？ 訓練小朋友去厠所是不能著急的，最緊要保持耐性，給予些時間去培養他去廁所的興趣。 首先要做些預備工夫，包括： 平日讓小朋友每天吸取充足的水分和纖維質，令排泄暢通。 將一個平穩、小朋友又喜歡的便盤放在固定及方便的地方，先讓他嘗試坐在便盤上，讓他習慣一下。 與他玩公仔去廁所的遊戲，講些關於去廁所的故事；又可以讓小朋友跟隨家人一起上廁所，給予機會他模仿。 訓練的時候讓小朋友穿著鬆身和較容易脫下的褲子，方便他拉低褲子如廁。 初時根據小朋友的排泄規律來安排他上廁所，之後慢慢調整到配合日常生活。多些留意小朋友，覺察到他有尿急或便急的跡象，就問他是否有如廁的需要，然後鼓勵他脫下褲子坐在便盤上。 如果他懂得在便盤裏大小便，便要讚賞他和鼓勵他。之後，你可以即時給他一些小獎勵，增加他練習的意欲。如果他弄濕了褲子，便要平靜地與他清理，然後提醒他上廁所應該要做的步驟。當他坐上了幾分鐘後仍未完成，你亦要讚賞他能在便盤上待上一會，然後讓他暫時離開。 如果他不願意上廁所，應怎麼辦？ 如果他不願意上廁所，就不要强迫他了，可以下次再問他。每個小朋友需要的訓練時間都不同，你要有心理準備最少需要三至四個星期的訓練，小朋友才可以完全控制大小便。 澄澄媽用的戒片工具包括: 1.細版toilet 2. 戒片褲 3. 一次性廁板cover (for 出街用) 4. 妮妮上厠所書仔(去厠所時睇，培養去厠所好奇心及興趣) 護士媽媽係度share埋淘寶link，放便大家去買。 加大号婴儿童坐便器女宝宝马桶仿真尿盆小孩幼儿男孩便盆女孩尿桶 【在售价】39.00 元 【立即下单】点击链接立即下单：https://s.click.taobao.com/uvi3e3w 2条装新款日系宝宝学习裤 婴儿纯棉四层六层纱布可洗尿布裤训练裤 【在售价】25.00 元 ----------------- 【立即下单】点击链接立即下单：https://s.click.taobao.com/p5E4e3w 一次性马桶垫女旅行粘贴厕所酒店便携产妇旅游坐便器坐便套坐垫纸 【在售价】8.00 元 ----------------- 【立即下单】点击链接立即下单：https://s.click.taobao.com/fcw2e3w Reference:衛生署官網https://www.fhs.gov.hk/tc_chi/health_info/faq/child_health/PD1_4_3_2.html?fbclid=IwAR13g6CjUBkgmDoJOsuPxGq6I8Vp4oB1YX9Sb1Tj5rR-JMMHpVqpTXwLAxs ************************************************************************************ 如果喜歡我的分享，記得讚好我們的Facebook及IG專頁「護士媽媽與澄澄妹」，分享澄澄妹的成長喜悅！ 護士媽媽與澄澄妹 Facebook:https://www.facebook.com/Chingchingmui/ Instagram:https://www.instagram.com/chingchingmui/ Email:hahajim0629@gmail.com
