☀️淺水灣「讓孩子玩」暑期嘉年華☀️ 淺水灣有新野玩，梗係要去湊下熱鬧啦！炎炎夏日的星期日帶了程B去玩，有市集丶手作坊丶波波池丶吹氣彈床丶巨型積木區丶不倒翁遊戲區等等，亦都有d新遊戲，重點介紹一些給大家： 🔥尖叫雞的挑釁🔥 有幾百隻尖叫雞放在地下比大小朋友踩來玩，在場不斷發出尖叫雞的慘叫聲，好搞笑！ 🦀釣蟹遊戲🦀 枱面上放了數十隻電動蟹，小朋友要拿着一支木竿去釣蟹！我見遊戲規則要矇眼玩的，但在場見到其實都唔使，考下小朋友眼力啦！🤣🤣 💦暴龍水戰區💦 天台有免費的小小小水槍可以玩槍戰！仲有搞笑暴龍裝俾小朋友着住嚟玩㗎！不過起碼要有幾歲先着得到。個人覺得這個遊戲最正，因為唔使排隊呀！（樓下所有遊戲例如波波池丶吹氣彈床丶小攤位遊戲等等都排晒長龍！波波池我哋去到2:00仲話要攞飛4:30先有得玩，即刻敗走了！）不過天氣真係極熱，玩了15分鐘已經頂唔順要落返樓下了。 🧑🎨藝萃工作坊👩🎨 除咗遊戲之外亦都有不同的工作坊可以參加，但要另外收費的，有擴香石丶水晶土彩虹瓶丶布袋丶彩繪風鈴等。 入場費兩大一小$70包兩張遊戲券（要預先網上俾錢買票）。總括來說，這個嘉年華是有幾多嘢玩的，不過真係實在太多太多太多人！除了尖叫雞丶積木區丶不倒翁遊戲區和天台的水槍區是不用排隊之外，大部分遊戲都要排長龍，而且地方都幾迫同幾嘈下，搵個地方坐下都full晒！我哋嗰兩張遊戲卷都冇玩到......如果怕排隊怕多人的話就真係要考慮吓先好來了，同埋我就覺得唔太適合年紀較小的小朋友來了。 Facebook更多介紹： https://www.facebook.com/103688535108560/posts/194064376070975/?d=n ＃讓孩子玩 ＃淺水灣 ＃淺水灣嘉年華
