早幾日帶程B去迪士尼樂園酒店staycation，慶祝一歲半生日。第一次去staycation,非常之好玩!有10幾個活動兩日一夜唔夠玩，程B玩到唔捨得走！重點介紹其中一些活動給大家，仲有介紹一下生日禮遇小禮物! 住了兩日一夜連$400晶荷軒都只是$15xx(平日價錢），真心非常非常非常之抵玩！ 唐老鴨襟章手工班 手工班平日4:00pm開始，大約15分鐘一個section,首先會比一個印有唐老鴨的圓形紙俾小朋友油顏色，之後演藝人員就會用部機將佢製成襟章,大人同小朋友都玩得，我哋一共整咗三個呢！ 兒童高卡車泳池再行過啲就係高卡車場，適合3至12歲小朋友玩，程B太細個隻腳唔夠長，踩唔到，不過都可以俾佢影吓相打卡，裏面亦都有三輪車俾一d較細個的小朋友玩。 尋找隱藏米奇 首先要去健身室旁的counter攞一張要尋找的隱藏米奇工作紙，之後就要帶小朋友去搵返這9個隱藏的米奇圖案同埋要同小朋友合照，影齊後就可以去counter拿取獎品：postcard兩張。朝早check-out前或夜晚無咁多節目的時候可以玩這個消磨時間呢！ 免費借board game 在健身室旁的counter有不同的board game可以借,都幾受歡迎,我哋晏晝去的時候有好多已經俾人借咗,有大富翁丶Frozen的棋等等。 高飛太極班 朝早在lobby有高飛太極班，好受歡迎！要早起碼15分鐘去到才有位，遲咗就只係可以喺圍欄出面睇，冇得一齊耍太極。太極班大約15分鐘，完左之後高飛會從不同角度擺pose比參加者影相,個人覺得這個活動都唔錯俾小朋友做吓運動。酒店裏面有網球場亦有瑜伽套裝可以借，又有Gym Room,泳池就要預早book,一個section係一小時，我地6pm游唔曬好舒服。 Storybook playroom 程B最愛的活動，有sir滑梯、煮飯仔、大型積木、琴、故事書等，佈置得幾靚，就算唔玩去影下相都幾靚呢！ 晶荷軒卡通點心 之前食過酒店的afternoon Tea真係麻麻，今次試晶荷軒，估唔到有驚喜！幾好味喎！特別係個甜品拼盤，無見過有人介紹，真心在酒店裡面算較為抵食，卡通點心就ok,都係氹小朋友開心先會叫，記得卡通點三要預先三日reserve定嫁！ 生日禮遇小禮物 生日小禮物有生日襟章和蛋糕造型毛巾和生日卡，仲有演藝人員送到上酒店房，都幾有心思。 今次staycation的vlog,有曬成個行程安排同入住小貼士嫁：https://youtu.be/RTd0ixkXW94============================~程B去playing~Facebook: 程B去playingYoutube: https://youtube.com/channel/UCwOswNzH9V43vDvf8nOa7vQ
