成日聽人講太敦好快上到山頂,個景又靚,以為好易行啦,點知一啲都唔易! 一開始你會係北潭涌落車(我係西貢市中心搭94號巴士), 我諗搵車無難度~搵路是最難 一開始見到小食部,向左行!有路就行,路經遊客中心指示牌都Keep住行~ 行到個最入停車場,有啲車出入,有一個唔似入口既入口~咁就岩啦! 唔易唔係因為佢有幾斜(雖然都幾斜,一個鐘上317米), 但重點係佢啲長過你半身既草! 果刻真係好想有把鐮刀斬曬啲草= = 所以記得著長褲!著長褲!著長褲! 之後都係Keep行呢條唔似路既路~ 見到分岔路都無條件向左! 好似下圖呢個藍色絲帶位~都係向左行。 上到頂~休息完影完相,可以選擇原路折返(快啲),或者大網仔路果邊落(斜啲)。 日期:7/10/2017 難度:★★★☆☆ 時間:約3小時來回