復活節假期前夕同Darling慶祝紀念日，book咗位於天后23樓嘅「明水然．樂」Omakase日式鐵板燒創意料理午餐！餐廳環境典雅舒適，加上23樓高空嘅無敵維港海景，真係超級浪漫，氣氛一流！💖 想訂位嘅朋友仔要注意啦！開於未來30天的訂位，一般週未的預約都很滿，平日的中午比較容易訂到位置。訂位連結：https://inline.app/booking/minsuizenrakuhongkong/tinhau「明水然．樂」主打無菜單鐵板燒料理，平日午市套餐$398就可以享用10道精緻菜式，性價比真係好高！💯 我哋點咗「昼灼鐵板燒套餐」，由前菜到甜品，每一道菜都感受到師傅用心製作，👍🏻點擊圖片放大 首先係松露茶碗蒸，入口嫩滑，散發淡淡嘅松露香氣，令人胃口大開。前菜盛合擺盤精美，味道清新。海鮮盛合包括北海道帶子、時令魚料理（我哋嗰日係比目魚柳）同埋海老料理等等，非常新鮮！北海道帶子用牛油煎香，再配上三文魚籽，口感豐富，鮮味十足；比目魚柳煎得外脆內嫩，魚肉鮮甜，令人回味無窮！點擊圖片放大 +4 主菜方面，我哋揀咗澳洲牛肉🥩，叫咗Medium Rare，牛肉煎得啱啱好，肉質鮮嫩，牛味濃郁，配埋蒜片🧄真係Perfect Match！跟住仲有炒飯，粒粒分明，鑊氣十足！最後嘅甜品係蕨餅（有抹茶同黑糖兩款口味）同埋因為我哋慶祝紀念日（我remark寫錯做生日…😅），餐廳特別送咗個抹茶千層蛋糕🍰俾我哋，真係好貼心！蕨餅煙韌有嚼勁，抹茶千層蛋糕口感幼滑，甜而不膩，為呢餐畫上完美句號！😋點擊圖片放大 +3 整體嚟講，「明水然．樂」無論係食物質素、環境定係服務都無可挑剔，絕對係慶祝生日🎂、紀念日或者浪漫約會嘅理想地點！💕Follow us📌 YouTube: 思思賢Chill My Babe @chillmybabe📌 旅行IG: @chillmybabe.travel📌 美食IG: @chillmybabe.foodie📌 美妝IG: @chillmybabe.beauty📌 Chelsea IG: @chelseapun📌 細眼IG: @nico_eyes#思思賢Chillmybabe #思思賢 #明水然樂 #Omakase #鐵板燒 #天后美食 #香港美食 #生日飯 #慶祝生日 #hkfoodie #無菜單料理 #高空餐廳 #維港海景 #思思賢 #思思賢美食推介 #日本菜 #tinhau #birthdaydinner #teppanyaki #相機食先 #foodiegram
