東京自由行第二日係表參道Shopping,行完街之後誤打誤撞咁搵到一間創業18年嘅隱世居酒屋「豊和」!🙏🏻 話明隱世居酒屋,都真係幾難搵,藏身喺一條冇地圖都搵唔到嘅小巷裡面!由表參道站行2分鐘就到,因為即興去食冇預先訂位,諗住都係walk-in試下,好彩職員超級nice,安排咗室內座位俾我哋🥰 (如果大家想去嘅話,真係強烈建議預先訂位啊!) 兩個人食咗¥12090,包埋一人一杯嘢飲🍶,以東京嘅消費嚟講都算合理~ 必點推介:✨ 河豚刺身 (¥1890): 呢個真係必點!🤩 河豚刺身口感超彈牙,鮮味十足,完全冇腥味!重點係佢配咗三款唔同嘅醬汁:清爽嘅蘿蔔蓉、帶少少酸味嘅紅色醬汁,同埋香蔥。每一款醬汁都同河豚刺身好夾,帶出唔同嘅層次感! ✨ 炭烤A5黑毛和牛夏多布里昂牛排 (¥3980): 雖然價錢有啲貴,但係絕對值回票價!🤤 A5黑毛和牛嘅油花分佈均勻,入口即溶,牛味濃郁到不得了!加上炭燒嘅香氣,真係令人一試難忘!爸爸由尋日開始就話好想食牛,食完呢個真係超級滿足! ✨ 玉子燒 (¥980): 我哋叫咗蘿蔔蔥口味嘅玉子燒。👍🏻 熱辣辣,口感鬆軟,蘿蔔同蔥嘅香味滲透晒入玉子燒裡面,好!正!推介! (可惜太肚餓,一上枱就即刻食咗,唔記得影相🤦🏻♀️)其他菜式:親子雞天婦羅 (¥1390): 天婦羅炸雞配溫泉蛋,外脆內嫩,都幾好食,不過未至於話好驚艷。 牛油醬油烤生蠔 (¥690): 🦪而家啱啱好係食蠔嘅季節!生蠔🦪燒得好香,牛油同醬油嘅調味恰到好處,帶出蠔嘅鮮甜! 飲品:熱清酒 (¥1290): 嗰晚東京天氣比較凍,所以叫咗杯熱清酒暖下身🍶。 芒果梅酒 (¥890): 爸爸就叫咗杯甜甜哋嘅芒果梅酒🍹。 見到隔離枱叫咗火鍋🍲,睇落都好吸引!下次要約埋師兄一齊嚟,三個人就可以試多啲嘢啦!😋詳細旅行行程記得去YouTube睇片! 出咗最新一集喇~餐廳資訊:豊和 表参道 Howa📍東京都港区北青山3-5-44網站: https://r.gnavi.co.jp/b852300/【思思賢嘆世界🇯🇵東京】系列https://bit.ly/3S7rNA9【思思賢嘆世界🇹🇼台灣】系列https://bit.ly/3S6XD0b【思思賢嘆世界🇯🇵九州】系列https://bit.ly/4cXUGpW【思思賢嘆世界🇯🇵關西】系列https://bit.ly/3FqaaEk【思思賢嘆世界🇹🇼台灣】系列https://bit.ly/3S6XD0b【思思賢嘆世界🇲🇴澳門】系列https://bit.ly/45FBJEmFacebook : https://www.facebook.com/chillmybabeInstagram : https://www.instagram.com/chillmybabeYoutube : https://www.youtube.com/@ChillMyBabeU Lifestyle: https://bit.ly/3U3sRpeU Blog: https://blog.ulifestyle.com.hk/chillmybabeBlog: https://chillmybabe.pixnet.net/blogOpenrice: https://bit.ly/3zDNG33Tripadvisor: https://www.tripadvisor.com.hk/Profile/chillmybabeGoogle: https://maps.app.goo.gl/mq1eumYW1jXZmP9B6?g_st=iwXHS: https://bit.ly/3RWOxlL---#思思賢美食推介 #思思賢 #chillmybabe #思思賢嘆世界 #東京自駕遊 #橫濱酒店 #酒店推介 #海景酒店 #日本旅遊 #東京自駕遊 #東京美食 #表參道美食 #居酒屋 #hiddengem #howa #豊和 #日本美食 #東京之旅 #相機食先 #一路食一路post #foodie #hkfoodie #foodlover #japanesefood #tokyofood #omotesando #foodphotography #instafood #東京自由行 #和牛 #刺身 #東京 多謝收看Thanks for watching🍻