最近去咗台北旅行，入住咗位於大安區嘅 Episode Daan Taipei (台北大安伊普索酒店 - JDV by Hyatt)，真心推介俾鍾意型格設計同音樂嘅朋友！呢間酒店以音樂同黑膠唱片做主題，由走廊到房間都充滿住文藝氣息，真係好正！點擊圖片放大 本身喺網上搵「台北新酒店」嘅時候俾 Episode Daan Taipei 嘅廣告燒到🔥，感覺好有 style，忍唔住click入去睇。比較咗官網、Agoda、Booking.com 等唔同平台嘅價錢，最後發現 Agoda 最抵，所以就喺 Agoda book 咗三晚 (星期四至星期日)，2024年9月嘅房價係$4,001。我本身book嘅係 101 城市景觀房，點知check in嘅時候竟然俾人免費 upgrade 咗去有露台嘅 Deluxe 房型！真係超級驚喜🤩！一入到房間，就俾佢嘅設計同空間感吸引住。音樂主題： 酒店以音樂同黑膠做主題，走廊掛滿黑膠唱片同海報，充滿藝術感。房內仲有 CD 播放器，竟然真係可以播 CD！我間房播緊鄭秀文嘅歌，好有feel！💿 床褥： 床褥偏硬，不過上面有張好舒服嘅 topper，牌子係 Emmas，瞓落去軟硬適中，好舒服。 浴室： 乾濕分離嘅設計，有企缸同浴缸🛀，可以浸浴放鬆一下。日式免治馬桶當然係基本配備啦！洗手盆雖然細細個，但燈光好正，化妝唔怕「死神燈」👻。 Mini Bar： 提供 Nespresso 咖啡機 (不過得兩粒膠囊)，仲有 Nespresso 茶包 (伯爵茶同薄荷茶)。雪櫃就空空如也，可以自己買嘢飲放入去。 露台： Deluxe 房型最大嘅賣點就係個超大露台！可以喺上面放空、飲酒、吹風，可惜我去嗰陣天氣麻麻地☁️，冇得好好享受。 貼心小物： 房間提供日用品眼罩、耳塞、木刮痧板、枕頭噴霧等貼心小物，都好精緻！不過眼罩同面膜都得一件🥲，如果兩個人入住就要輪住用啦。點擊圖片放大 其他設施： 衣櫃入面有浴袍 (得一件🤔，可能預設兩個人住只有一個人會着？😂)、夾萬同洗衣袋。梳化🛋️ 正對住電視，隔離仲有茶几，夜晚可以嘆住滷味啤酒睇電視，真係好爽！插蘇位好多，USB-A 同 USB-C 都有，勁方便！點擊圖片放大 驚喜小禮物： 因為我哋係週年紀念入住，酒店好貼心咁送咗小食、Moscato 粉紅酒🥂 同一張心意卡俾我哋，真係好sweet！Episode Daan Taipei 真係一間好有特色嘅酒店，無論係設計、設施、服務都非常出色。唯一嘅缺點就係浴袍同其他一次性用品只有一份，如果係情侶或朋友入住就要留意一下。整體嚟講，我非常推薦呢間酒店俾大家！👍 之後會再分享 Happy Hour 嘅體驗！酒店資訊酒店名稱： 台北大安伊普索酒店 Episode Daan Taipei - JDV by Hyatt地址： Google Maps 連結預訂連結: Agoda詳細酒店開箱去YouTube睇片YouTube Channel✨思思賢 Chill My Babe✨https://www.youtube.com/@ChillMyBabeFollow us📌 YouTube: 思思賢Chill My Babe @chillmybabe📌 旅行IG: @chillmybabe.travel📌 美食IG: @chillmybabe.foodie📌 美妝IG: @chillmybabe.beauty📌 Chelsea IG: @chelseapun📌 細眼IG: @nico_eyes#思思賢 #chillmybabe #思思賢嘆世界 #台北 #快閃旅行 #豪華酒店 #EpisodeDaanTaipei #信義區 #美食 #美酒 #旅行分享 #頻道訂閱 #首播 #台灣 #台北 #美食 #台灣美食 #台北酒吧 #台北酒店 #台北美食 #taiwan #taipei #travel #travelvlog #酒店 #景點 #酒吧 #旅行 #旅遊 #旅行vlog #開箱 #開箱酒店 #hotel #hotels #barhopping #bar
