今次想同大家分享吓我喺九州福岡八日七夜旅程最後兩晚住嘅酒店——三井花園飯店福岡中洲 (Mitsui Garden Hotel Fukuoka Nakasu)。呢間酒店真係超推介！👍房型: 標準雙人房 (18 平方米/194 平方呎 | 禁煙房 | 一張雙人床)價錢: HK$1952.31福岡宿泊稅: 每人每晚¥200 (一共¥800)退房時間: 翌日11:00 ⏰ 入住三井花園飯店福岡中洲嘅體驗非常好呀！酒店用自助check in系統，喺大堂部機到搞掂就得，同之前住嗰間漫畫酒店一樣，入住時要俾每人每晚¥200嘅住宿稅。幾抵讚嘅係，我原本訂嗰間房大概HK$1950兩晚，平均每晚大概HK$950-970，check in嗰陣酒店仲好貼心地幫我upgrade咗去中型大床房，性價比勁高！🤩 尤其係週末入住，價錢會貴啲，所以呢個價錢我覺得好合理。點擊圖片放大 房間雖然得18平方米，但係間隔幾好，空間運用得好。入到去係一個細細嘅玄關位，有開放式衣櫃，雖然冇燈💡，但係都幾方便。 浴室設計四四方方，幾實用，比起之前住熊本Koko Hotel個浴室舒服好多。浴缸同淋浴位嘅設計唔會搞到水花四濺，呢點勁加分！💯整體嚟講，浴室乾淨企理，嘢齊全，好符合日式酒店嘅一貫高水準。點擊圖片放大 房間入面有一張好舒服嘅Queen size雙人床，床嘅軟硬度啱啱好，瞓得好舒服😴。枕頭仲有兩種揀，可以按個人喜好揀。房間仲有梳化區🛋️、咖啡枱同埋基本嘅迷你吧，有提供咖啡☕️等飲品，呢點比之前住嗰間漫畫酒店好好多，因為咖啡對我地嚟講好重要！另外，房間仲有Sharp牌嘅空氣清新機，好貼心。幾特別嘅係，房間個雪櫃同迷你吧係分開擺，令到空間闊落啲。點擊圖片放大 雖然房間唔算大，但係因為間隔好，就算打開兩個28吋行李箱🧳再加一個細Handcarry行李箱，都仲有足夠嘅活動空間，執行李就更加方便。 三井花園飯店福岡中洲地理位置一流，喺中洲，交通方便。房間雖然唔大，但係設計合理，功能齊全，乾淨舒服，性價比高。職員都好友善，整體入住體驗好好！勁推介俾大家去福岡旅行嘅朋友呀！💖詳細酒店Room Tour記得去YouTube Channel睇!【思思賢嘆世界🇯🇵九州】系列https://bit.ly/4cXUGpW【思思賢嘆世界🇯🇵東京】系列https://bit.ly/3S7rNA9【思思賢嘆世界🇯🇵關西】系列https://bit.ly/3FqaaEk【思思賢嘆世界🇹🇼台灣】系列https://bit.ly/3S6XD0b【思思賢嘆世界🇲🇴澳門】系列https://bit.ly/45FBJEmFacebook : https://www.facebook.com/chillmybabeInstagram : https://www.instagram.com/chillmybabeYoutube : https://www.youtube.com/@ChillMyBabeU Lifestyle: https://bit.ly/3U3sRpeU Blog: https://blog.ulifestyle.com.hk/chillmybabeBlog: https://chillmybabe.pixnet.net/blogOpenrice: https://bit.ly/3zDNG33Tripadvisor: https://www.tripadvisor.com.hk/Profile/chillmybabeGoogle: https://maps.app.goo.gl/mq1eumYW1jXZmP9B6?g_st=iwXHS: https://bit.ly/3RWOxlL#思思賢 #chillmybabe #思思賢嘆世界 #福岡 #福岡自由行 #福岡酒店 #福岡美食 #福岡住宿 #福岡一日遊 #天神 #天神美食 #天神酒店 #熊本 #熊本美食 #熊本酒店 #別府 #別府溫泉 #黑川溫泉 #一泊兩食 #溫泉 #溫泉飯店 #居酒屋 #海鮮 #酒吧 #酒 #旅行vlog #開箱 #開箱酒店 #住宿 #日本 #購物 #日本酒店推介2024 #fukuoka #fukuokatravel #travel
