陪住媽咪去西營盤同埋上環買海味雜貨，出發之前喺石塘咀搵食。比起連鎖餐廳，我和媽咪都鍾意幫襯本地小店。落車之後，用 Google Map 搜尋附近嘅餐廳，見到呢間台式餐廳 Keep Eat Simple 米蔥動有 4 分以上，價錢又合理，就即刻行去試吓啦！ 我哋一人點咗一份主食同埋一杯台式飲品。人氣特濃台式牛肉麵 ($78) 🍜 嘩！超大碗而且非常足料！🤩人氣牛肉麵真係名不虛傳，包含牛腩和牛腱兩個部位，牛腩每一件都非常厚肉，炆得軟淋，咬落去滿口肉香，牛腱份量都唔少，筋肉分明，肉質軟腍，吸滿湯底精華；紅燒湯頭以多種辛香炒料炒製，香味四溢，令人食慾大增。配菜有白蘿蔔、紅蘿蔔同酸菜，蘿蔔超好食！粗麵條煙韌且掛湯強～口感彈牙，每一啖都充滿滿足感。點擊圖片放大 +2 炭燒烏龍珍珠奶茶 (套餐加$15) 🧋 餐廳非常貼心，點選台式飲料嘅時候，設有多款選項選擇，媽咪揀咗少冰少甜，甜度非常適合媽咪嘅口味，比較清淡～烏龍茶香配上珍珠嘅煙韌口感，炎炎夏日飲一杯真係非常消暑。胡椒牛腩蘿蔔湯 ($68) 🍲 鍾意湯嘅媽咪一入到店鋪就睇圖點餐😂😂😂雖然都係牛腩和蘿蔔嘅配搭，不過和牛肉麵係完全唔同，湯底非常爽口清甜，牛腩肉質入味腍滑，而且厚切白蘿蔔花足心思炆煮，吸收哂湯嘅精華！媽咪飲完之後讚不絕口，話係佢近期飲過最好味嘅牛腩蘿蔔湯。珍珠鮮奶茶 ($28) 🧋今日媽咪點嘅牛腩蘿蔔湯屬於小食，所以另一杯台式飲品，就沒有套餐優惠價，不過價錢都非常合理。媽咪選擇咗走甜，鮮奶茶非常清新，炎炎夏日飲非常解暑，而且珍珠煮得剛剛好，Q彈～每一啖都令人回味無窮。呢間 Keep Eat Simple 米蔥動真係一間非常值得推介嘅小店，食物質素相當之高，而且價錢合理，份量又多！用餐時都有唔少街坊買外賣拎走，不過餐廳位置唔算多，Peak hour時段會需要等位!餐廳資訊Keep Eat Simple 米蔥動地址: 港鐵香港大學站 B1 出口, 步行約4分鐘營業時間: 星期一至六 12:00 - 21:00 (星期日休息)快d follow我哋！Facebook : https://www.facebook.com/chillmybabeInstagram : https://www.instagram.com/chillmybabeYoutube : https://www.youtube.com/@ChillMyBabeU Lifestyle: https://bit.ly/3U3sRpeU Blog: https://blog.ulifestyle.com.hk/chillmybabeBlog: https://chillmybabe.pixnet.net/blogOpenrice: https://bit.ly/3zDNG33Tripadvisor: https://www.tripadvisor.com.hk/Profile/chillmybabeGoogle: https://maps.app.goo.gl/mq1eumYW1jXZmP9B6?g_st=iwXHS: https://bit.ly/3RWOxlL#思思賢 #chillmybabe #思思賢美食推介 #HongKongCuisine #HKFoodReview #LocalRestaurant #LunchSpot #FamilyDining #ComfortFood #NoodleLovers #BeefNoodleSoup #BubbleTeaAddict #SummerRefreshment #AffordableEats #FoodPhotography #食評 #本地小店 #午餐好去處 #家庭聚會 #懷舊小食 #麵食控 #牛腩麵 #珍珠奶茶控 #夏日消暑 #平價美食 #美食攝影 #食評blogger
