週末抽空探訪大圍嘅新cafe—老去茶事☕️呢間餐廳比觀塘店更勝一籌，除咗可以嘆茶，仲可以用餐，最低消費只係一杯飲品☕️ 小小嘅店鋪有兩層，位置唔算好多，用餐時間約90分鐘。我當日12:15去到，幸運地唔需要等位即刻入得👏🏻 ❥ 東坡肉配茶事荷葉餅 $85 🥓東坡肉以12小時慢煮，非常肥美，醬油味濃，但唔會好腻 藜麥柚子醋沙律🥗味道清新，重點嘅柚子醋有清新嘅香甜味道 荷葉餅(+$20)好熱騰騰，口感好柔軟 蔥油拌意大利麵(跟餐+$28)醬味味好香，微微有油感，夾雜住蝦乾更香，更有口感🦐 ❥ 川風擔擔寬麵 $88以豬肉、辣椒🌶️等整成川菜風味嘅醬料，食落好開胃寬麵口感煙靭，加上份量足夠，幾有飽肚感🍝 ❥ 👼🏻天使之蛋布甸卷蛋配本地花蜜脆脆 $58卷蛋嘅蛋味非常香濃，質感較綿密忌簾好滑亦好豐富，中間嘅牛奶布甸同忌廉好夾周圍鋪有花蜜脆脆，稍稍增加口感同甜味 ❥ 先苦後甜鍋煮奶茶☕️ $58以人参烏龍同碳焙鐵觀音煮成奶茶，人参+鐵觀音嘅味道帶微微香料辛辣味，入口順滑，之後散發奶嘅微甜，好有層次 ❥ 重焙烏龍茶拿鐵 $45重焙嘅烏龍味道香濃，茶味好香，配拿鐵好醒神，好鍾意嘅一杯 💬食物質素唔錯，店員好有禮貌👏🏻不過新店預左多人，店內環境較窄，90分鐘用餐時間確實有啲趕🥲📍老去茶事 (大圍)大圍積信街77-81號積善樓地下B號舖
