前幾日同朋友食左一間好高質嘅cafe ，所以一定要分享下🫶🏻。我地食係嘅係太子嘅賞島咖啡屋，絕對值得去食‼️ 我地係平日晚巿去食，人流稍多，所以被安排坐係門口附近嘅二人枱，但座位附近相對有較大嘅空間感 我地叫咗個二人餐一齊食👩🏻🤝👨🏼Dinner for two - $468 ❥ 餐湯磨菇忌廉湯，裡面有磨菇粒粒，仲有微量黑椒調味 ❥ 柚子雞胸沙律雞胸份量十足調味，旁邊嘅沙律伴有蕃茄仔、藍莓配襯，加上柚子醋，成個沙律好豐富，完全唔似套餐裏面嘅前菜 ❥ 蒜油花椒蜆肉意粉呢個係cafe嘅自創意粉🍝，應放入cafe 必食推介意粉好有川菜嘅辣勁，辣得好開胃又好個癮，但唔會太辣食唔到，用蒜炒得香🧄，口感好利落，唔會好膩或好濟；蜆肉大隻同夠新鮮，都係冇得輸 ❥ 慢煮西班牙豬鞍豬鞍大約一吋厚，咬落肉汁豐富，口感嫩滑，配芥末醬食落更香，醬汁輕盈但味道香濃 薯蓉以粗粒薯仔製成，非常實在，唔會太多忌廉，感覺算清新 ❥ 胡蘿蔔蛋糕🥕第一眼覺得有啲似俄羅斯蛋糕，咬落比一般甜品冇咁甜，入口幾香，裡面有合桃增加口感，係較少見嘅甜點🍰 ❥ 熱情果梳打🍹熱情果味道香甜，但唔會死甜果種，解辣之餘之係穩陣之選 ❥ Winter coffee ☕️我覺得似微量版嘅affogato ，以牛奶、咖啡配襯朱古力雪糕，三樣野好夾，味道香濃，飲到最後似偏厚身嘅mocha咁💬整體食物好高質，完全與西餐嘅厚重感撇清關係，非賞欣賞🫶🏻📍賞島咖啡屋 (太子)太子花園街233-235號偉雄大廈地下A號舖
