到訪呢間餐廳大大話話都有四、五次,由當初係觀塘apm 隔離,到依家搬左大鋪。今次終於的起心肝寫一個食評💬 鍾意黎呢度嘅原因係週末期間夠少人🤣,通常都唔洗等位,同埋我食咁多次,店員都比我坐最有特色嘅鳥籠位,特別有格調❣️ 週末嘅lunch set大約係$100-$150,已經包括前菜、主菜同飲品;當然叫特飲都係要加錢嘅💰 前菜有沙律或餐湯,餐湯不定期轉新款;今次係羅宋湯🥣。湯裡面配料豐富,有西芹、蘿蔔、薯仔等,加上香草調味,好暖胃 ❥ 比吉打時令魚柳・香煎虎蝦,芒果沙沙🥭魚柳份量比想像中多,有兩塊煎得好香嘅魚柳,呈金黃色,邊位香脆,裡面嘅肉質一般嫩滑,帶少少口感,但都唔錯👍🏻頂層有芒果沙沙,同魚柳夾埋一齊食好清新,好適合夏天☀️虎蝦好大隻,入口爽口,微微彈牙,冇咩雪味呢個整體幾好食,下次會encore ❣️ ❥ 法式慢煮鴨胸。美式蟹餅。香橙燒汁好少食新鮮嘅鴨胸,所以同朋友一齊share試吓鴨胸好熟嫩,感覺肉質係生、熟之間,同平時食醃製煙鴨胸嘅味道好唔同,好有驚喜🥳頂層有個細細嘅蟹餅,將蟹肉壓到好實,好足料,唔會一切就散我最欣賞係佢嘅紫薯薯蓉,紫薯好足料,啖啖都係紫薯肉,牛油味唔重,感覺較健康❤️❥ 冷泡水果茶🍹呢杯水果茶比想像中大杯,啱晒週末同朋友黎,慢慢chill 住飲裡面有火龍果、士多啤梨🍓等生果粒粒,味道酸酸甜甜。最底有少少糖,我冇攪勻黎飲都好夠味 ❥ 抹茶鮮奶鮮奶香味濃郁,同抹茶比例均勻,整體味道香甜,甜度偏低,飲落冇負擔👍🏻📍Deer Kitchen (The Wave) (觀塘)觀塘興業街4號The Wave 6樓 01室