秋風起🌀，自然好想打邊爐🍲，當然希望㨂間環境舒適又高質嘅火鍋店，而醉胡爐一定係名單裡面。 上網睇醉胡爐嘅湯底好有特色，不時有期間限定款，所以我成日都留意住🤓 今次去嘅係尖沙咀分店，環境好闊落，好有空間感，座位亦好舒適，多人一齊食仲可以坐包廂 。 胡椒豬肚花膠雞鍋🥘呢款湯底明顯係為迎接秋冬而誕生🐣。小酌一羹試味，果然名不虛傳，湯底係好濃郁嘅胡椒味🫙，胡椒味香濃而唔會好辣，好暖胃。湯底裡面有酸菜、豬肚同枝竹，我忍唔住飲咗兩碗湯先打邊爐😂湯底已附送花膠同半隻雞🐓。花膠口感爽滑，雞肉厚身而幾嫩，食完都飽左3成🤣 白式和風蕃茄沙律🥗簡單以香醋、香蔥同洋蔥伴蕃茄🍅，味道清新。薄切蕃茄每塊都掛住香醋嘅酸甜味，好開胃。 手切頂級安格斯肥牛肥牛唔會好肥，雪花紋幾平均，牛味好香，肉質亦好軟焾。 餃子拼盤🥟有韭菜餃、手工雲吞餃、黑松露餃、香茜豚肉餃同鳳城水餃🥟 ，每隻餃子都好大隻同飽滿👍🏻黑松露餃嘅松露味好香濃，同餃子意外地幾夾鳳城水餃亦好出色，裡面嘅香菇🍄粒好彈牙，好有口感😋 蔬菜拼盤🥬(小)有白菜、娃娃菜、菜心等等，夠哂健康 新鮮椰青🥥份量好大個，好香甜，裡面仲有好厚層嘅椰子肉，一定要刮出黎食🤩 呢間火鍋店幾高質，而且無時限任坐，坐足一晚都冇咩油煙味，抵讚❣️📍 醉胡爐 (尖沙咀)尖沙咀柯士甸路20號保發商業大廈地舖
