🌈Weekend 約左朋友食個brunch ，㨂左係觀塘性價比好高既 simp.lane 樓上咖啡店☕️ 店鋪係觀塘工廈裡面🏢，以杏色為主，配粉紅色咕臣及大理石枱，帶出淡淡少女風而唔會好庸俗，好有舒適感❣️ 仲有聖經金句打卡牆🤩坐低之後，我地已經比cafe 裡面嘅緬因貓吸引住😻 緬因貓阿里係呢度嘅店長，係較少見嘅品種，外型有啲似獅子bb🦁️ 同店員購買小凍乾，就可以爭取同阿里更親密嘅相處💓 外型好有威嚴嘅阿里，原來好親近人，好乖好嗲，好有反差萌🤩 食物方面，cafe 除左生酮食物，亦有普通食物選擇，都幾多元化，可以同生酮朋友一齊黎❣️ 牛角酥窩夫配黑松露炒蛋 ($78)我哋叫咗個牛角酥窩夫🧇，窩夫外脆內軟，有滿滿嘅鹹香，食落幾滋味😋黑松露炒蛋有香濃嘅松露香，炒蛋質感幾滑🍳；仲有薯條比我過足零食口癮🍟輕食來講，呢個性價比好高👍🏻 香煎鮮蝦青醬意粉 ($98)意粉配牛油果羅勒葉醬🌿，味道唔會好刺激，比平日嘅香草再香一點。裡面有9隻蝦，口感夠爽，但略嫌鹹左少少🤏🏻意粉少油製作，而且份量好大份，好夠飽 抹茶麻薯卷 ($42)roll cake 上面嘅小試管🧪裡面裝住高濃度嘅抹茶醬，的骰可愛🥰蛋糕質感綿密唔乾，口感鬆軟，抹茶味忌廉幾幼滑，帶點奶香。夾埋煙靱嘅麻糬一齊食好有口感，再配高濃度抹茶醬一齊食，可以食出抹茶不同層次，仲有抹茶嘅回甘🤩味道同賣相都一流，推介抹茶控要來試一試👍🏻 伯爵茶生酮卷 ($54)keto cake較健康，因為係用杏仁粉替代麵粉，而呢度嘅生銅卷唔會好重油膩感👏🏻Roll cake同樣做到滋潤綿密，伯爵茶味道都幾出，岩哂我呢個茶控🫖頂層嘅忌廉幾幼滑，中間嘅忌廉則較厚重，好有份量，咬落有少許焦糖粒粒，食哂成個略略偏甜☺️ 咖啡配雪糕🍨 ($38)咖啡幾香濃，口感偏薄，配上雲尼拿雪糕，令咖啡口感更滑😋抹茶鮮奶配雪糕 ($43)抹茶味濃郁，同鮮奶輪流倒入杯裡，非常打卡able 📸頂層嘅抹茶泡泡好綿密，飲落好有幸福感🥰，之後同牛奶混合一齊飲，濃郁嘅抹茶味慢慢被牛奶中和，非常有層次👏🏻 好推介呢度嘅抹茶roll cake🍵，加上又乖又可愛嘅緬因貓😽，絕對會吸引我再次回頭❣️📍 Simp.lane (觀塘)觀塘駿業里6號富利工業大廈11樓C號舖
