放工最好就係去happy hour 🥳難得早收工，👩🏻🤝👨🏼專登約朋友去中環蘇豪區感受一下收工嘅爽快，心情好雀躍❣️ 中環好多美食，最後㨂左呢間好有特色既西班牙小店🇪🇸，體驗下西班牙嘅happy Friday 🤩 Happy hour 最重要就係酒🍷，其次就係佐酒美食😂ღ Red Sangria 🍷 ($78)食西班牙菜，先來一杯Sangria 地道一返用清新嘅生果配紅酒🍷，完美演繹醉中三分醒嘅樂趣😚ღ De La Passion 🍹 ($70)朋友就要清醒啲，所以叫左呢杯由芒果🥭及熱情果組成嘅果汁Soda🍹，佢嘅味道都好有驚喜，裡面有濃厚嘅熱情果果香，當中滲出淡淡芒果味，兩者味道好夾，而爽快程度唔會輸比Sangria ❗️ 鮮蘆筍配黑毛豬火腿及溫泉蛋 🥓($108)少有嘅黑毛豬火腿配搭🤩，薄薄嘅火腿擁有滿滿嘅鹹香，火腿好大塊，配上溫泉️蛋一齊食♨，中和左少少火腿嘅鹹，但又令火腿變更juicy 😋蘆筍燒完都好夠水份，令整體多一份清新✨ 燒帶子脆皮豬腩肉及粟米蓉🌽 ($128)大大粒帶子外層輕輕炙過，帶惹味感；內層口感軟柔又飽滿旁邊嘅豬腩肉好似中式嘅薄片燒腩仔，好香口😋二人份量，一人一粒，好想叫多份😍 炸薯仔佐地道蛋黃醬 ($62)一大盤薯仔🥔，輕輕炸一炸，香口而不膩👍🏻用蛋黃醬同西班牙辣粉，整體口味較重，但薯味🥔依然突出、好岩佐酒🍷 Churros con Nutella ($58)西班牙最有標誌性嘅Churro，新鮮出爐，份量都幾多🤩外層有滿滿嘅砂糖，一啖入口外脆內軟，配埋朱古力醬🍫一齊食好滿足大人、細路都無法抗拒，肥就肥吧🤣 📍El Cerdo (伊利近街) (中環)中環伊利近街38號地舖
