👨🏻男友前幾日喺我面前睇我最新既post📱，之後帶點哀怨地comment左一句：我都冇食過既🙈呢下我心知不妙💔，即刻，要即刻同佢食野。。諗起麻辣風雲喺旺角開分店，於是嗱嗱聲訂位補穫🤣 旺角分店地方幾大，裝修好有古代感，牆身、屏風、吊燈都充滿古式古香，一邊食野一邊有回到過去嘅感覺😂 𖠁 酸菜魚（$268）酸菜魚唔單止碟大，魚肉份量都好多🐟🐟🐟。魚肉肉質新鮮嫩滑，有好細好細嘅骨，但可以照食。 裡面嘅薯粉厚身又彈牙，吸收哂酸辣湯底嘅精華，非常入味😋另外有酸菜、芽菜、金菇同萵筍，配料非常豐富。有越食越辣嘅感覺，好彩叫咗微辣 𖠁炸饅頭（$58）賣相好有氣勢‼️雖然我認唔出船長係諸葛亮？孔子？定係邊個？🤣 真正做到外脆內軟，配上熱辣辣嘅溫度，非常香口😋咬開饅頭質感柔軟，炸完都唔會好重油膩感煉奶份量足夠，成件事好滿足 𖠁 乾煸四季豆（$108）我懷疑自己對四季豆有份情意結🎀，每次餐牌有嘅都想食 雖然好多辣椒🌶️，但我地叫左少辣，都唔算好辣四季豆口感恰到好處，咬落好個癮；肉碎好juicy，但唔會好鹹。 𖠁 四川掂掂麵 （$68）除左掂掂麵應有嘅麻醬味，仲有好重嘅麻味，川菜風味突出，辣度都可接受。麵質偏林，旁邊配有肉碎同花生增加口感 𖠁 菊花蜜（$58）賣相勁靚，仿效古代既酒瓶，叫嚟打卡不錯📸裡面既菊花蜜好香甜，而且解辣一流❣️📍麻辣風雲 (旺角)旺角彌敦道628號瓊華中心10樓
