👩🏻🤝👨🏼前幾日同男友去中環食晚餐，發覺中環既夜晚已經唔同哂，唔再係以前閃閃生輝既鬧巿🕺同歡樂派對💃🏻，剩餘既係靜寂既橫街同小巷🥹 最後我地㨂左蘭桂坊一間意式小餐館🇮🇹 享受寧靜既一晚，店員好友善咁邀請我地入座。 餐館以墨綠色為主軸，裡面有霓虹燈打卡📸。食物逐樣上菜，每道菜都可以熱辣辣咁擺入口，食得好舒適💁🏻♀️ ⋆ ⋆ ⋆ Caprese Salad 🥗 ($68)沙律係芝士同蕃茄配搭，係意大利既傳統沙律，香港少見。🧀芝士質感略帶厚重，稍微用黑椒調味，再配上厚身既蕃茄，清新同厚重配搭剛好，食落幾開胃💚 ⋆ ⋆ ⋆ Boscaiola Pizza 🍕 ($128)重點‼️餐館主打手工pizza，所以一定要試下😋 手工pizza即叫即做，上枱時熱辣辣，拎起一塊見到少少芝士拉絲🤩，上面有軟熟既火腿，以蘑菇點綴，咬落有好juicy既蕃茄醬汁🍅，不時仲會食到蒜味。批邊較厚身，略帶煙韌，味道好香，係好飽都仍然想大啖食哂個批邊🥳 ⋆ ⋆ ⋆ Pomarola Pasta 🍝 ($98)意粉既質感好特別，唔係一般意粉，有點似港式車仔麵既油麵，較粗身，每條麵都可以掛到醬汁，口感唔錯👍🏻。用新鮮既蕃茄做蕃茄醬汁，食到好多蕃茄粒粒，簡單加上黑椒調味，Juicy 又好食😋 ⋆ ⋆ ⋆ Gelato 🍨 ($38)我地㨂左朱古力同椰子同雪糕🥥，朱古力味香濃甜度剛好；椰子味好突出，而且啖啖都有椰子肉🤩 📍 Babacio Cucina (中環)中環蘭桂坊6號地下
