平時工作繁忙，好少煲到湯水。最近，去咗太古椰小盅飲湯養生。 太古係分店，仲有太子總店。 呢間店主打原個椰子燉湯。燉湯每日新鮮製作，真材實料，唔會加任何味精，夠哂健康。 套餐：$119 任選椰小盅燉湯+ 糧心飯/燒味飯/大滿足扒飯 + 郊野油菜+雲海紅豆仙草（想食簡單啲仲有$99 套餐同散叫） 本來想試下搪瓷素湯，有齊玉米、栗子、紅蘿蔔等等，不過已售罄。於是，我叫咗 長白山鮮人蔘烏雞湯，可以生津健脾同祛濕降壓。 用料好足，有一條人蔘同多件烏雞，飲湯時會感受到椰子清甜。仲有 貼心咁用咗錫紙包住保溫，就算食完飯再飲湯都係熱辣辣。 秘製椰小翅 + 肉燥紫薯飯雞翼入味，但亦唔會過鹹。初時會怕食唔慣紫薯飯， 但係入口帶自然甜味，會想再食。桂花酸梅湯（+$8）桂花味香醇，酸梅湯唔會太酸。 雲海紅豆仙草大大件仙草，側邊有少量紅豆，唔會太甜，消暑透心涼。椰小盅燉湯專門店太古城道18號太古城中心1樓誠品生活L106號舖
