💗餐廳以粉紅色調為主,裝修行少女風。韓屋由韓國人作廚,主打正宗住家菜, 可以試下零味精、零防腐劑韓式住家熱湯、石鍋拌飯同埋煎餃蒸餃。附送前菜辣醃蘿蔔,食落少少辣,爽口開胃。 🍗人蔘雞湯 $148個湯雞味勁濃郁,人蔘味唔會好重。雞裡面填入人蔘、松子仁、糯米等等,幾足料。小雞肉質較嫩滑,超腍身,糯米吸收晒雞湯嘅味道。 🧀炒豬肉石鍋芝士拌飯 $128 石鍋令到拌飯保持熱辣辣,放滿蛋絲、大豆芽、紫菜、甘荀絲、菠菜、翠肉瓜、菇菌等等,再加埋豬肉。韓式辣醬係分開上,可以自己調節個辣度。淡香嘅芝士可以做到拉絲效果。芝士份量可以再多啲。😋底部仲整到香脆嘅飯焦,更加惹味。飯底係用韓式紅米飯,幾養生。 🥟餃子王 $16特大粒餃子,由韓國直送。小蒸籠裝住餃子,幾可愛。 餡料係韭菜豬肉餃,咬落有肉汁,餃皮唔會太厚。 🥟泡菜餃子王 $16內餡有泡菜、豬肉、粉絲等等,食落會比餃子王更重味,帶少少辣。🇭🇰尖沙咀金巴利道69-71A號美園大廈地舖港鐵尖沙咀/尖東站 B1 出口, 步行約7分鐘👣搜尋更多類近美食情報👅#chilleat尖沙咀#chilleat韓國菜#chilleatcheese