炎炎夏日 相信大家都好怕痴立立嘅感覺 就算唔化妝 搽精華 搽cream 搽防曬 出一出街都已經痴哂塵 更何況化妝出街更加痴 唔只痴立立 仲會痴哂塵 有咩方法可以令到成個妝乾爽d呢~~等我分享下我o既小tips~ 1) 要用清爽保濕爽膚水 當然要配合自己皮膚 推介: Shu Uemura - deepsea Hydrability 呢枝爽膚水保濕度高, 吸收得唔錯, 可以補充面部水份。 2) Makeup Base唔少得 控油之餘仲有防曬, 呢枝真係唔錯! 推介: Sofina Primavista Long Keep Base UV 相信大家對佢都唔陌生, 控油底霜, 無咁易出油, 個妝都可以keep耐d。 3) 粉底要夠簿 推介: Giorgio Armani - Lasting Silk UV Foundation SPF20 我自己最鐘意就係用呢枝粉底, 厚薄合宜, 唔會太乾又唔會太立, 剛剛好。 4) 碎粉要夠 建議用粉pok上碎粉 要握實d 上完碎粉可用手背feel下 如果仲有痴立立既感覺 即係碎粉唔夠喇.. 推介: Shu Uemura Fundamentals 個人認為呢個step都幾重要, 可以先印上鼻翼兩側, 因為鼻翼最易出油啊。 5) 要用fixer定妝 咁先起碼可以令個妝long last d 推介: Luna - Vita Water Fixer 使用前先搖混瓶身, 呢枝Fixer有助個妝可以貼d, 出汗後都無咁易浮妝。 6) 要帶保濕噴霧 當你feel到開始痴立立, 呢個好重要 噴一噴 涼d之餘 都為皮膚補補水! 推介: Avène - Thermal Spring Water 這個噴霧出來的分子很小, 份量會比較容易處理, 另外我比較喜歡它沒有任何味道, 亦可提供舒綬的作用。 小記: 記得要飲多d水 身體水份都好反映皮膚狀態, 仲有仲有, 最好要用粉狀既胭脂, cream妝既野 上左碎粉之後要盡量避免。 以上產品都只係我用開, 當然如果你地本身都有用開好好既產品, 就keep住啦!! 只要跟住呢幾個step, 就可以減低面部痂立立既感覺喇!!! 希望可以幫到大家啦~~ 如果大家有咩問題 歡迎email找我: chiling_makeup@hotmail.com 或者去我個page搵我啦 www.facebook.com/chilingmakeup
