擁有超過四百萬facebook粉絲嘅插畫家Joan Cornellà今年再度來港，舉行以香港為主題嘅小型畫展。 簡單介紹一吓Joan Cornellà 佢嘅作品多以諷刺手法去表演出現今社會的畸型文化，充斥著黑色幽默，令讀者反思。 黎睇畫展嘅人比我哋想像中多人啊，在大廈外見到長長嘅人龍，排左差唔多半個鐘先入到Lift，所以如果想免排隊的話，其實可以選擇行樓梯上十樓LOL。展覽場地唔算好大，主要分咗2邊，每幅作品都令每位讀者細味思考、咀嚼一番。 點擊圖片放大 +5 睇完個展之後，我哋2個對我哋身處嘅香港都有另一番體會，莫明其妙咁有少少失落。 另外，場內有售賣紀念品，有T-shirt、tote bag、手機殻、poster、畫冊等等⋯ 而展出嘅都有得賣架！價錢由HKD5,000 － USD18,000不等。 有興趣嘅朋友，可以喺以下網址買飛 https://www.ticketflap.com/joan-cornella （$50 + $10手續費）用VISA信用咭購買可以免手續費架！ 個展覧去到今個月21號咋！
