▲朋友中意周圍走試新菜，而我亦係一位吃得之人，有日就同左佢黎呢間岩鹽日本料理食飯， 佢話想試下磯燒，而我亦係第一次食日式磯燒～ ▲最近新開既一間日式餐廳，一入黎已經見到生猛又大隻既海鮮，同朋友達成一致共識，今晚一於食佢！ ▲餐牌有圖有真相，大部份日式料理都有，特別在於有磯燒同釜飯，釜飯唔係到到都食到，而今次我亦都嗌左一試。 ▲比起刺身我更中意食壽司，嗌左深海魚、比目魚、油甘魚等壽司， 食落去意外地驚喜，魚既口感有韌又軟，而驚喜既係大部份都冇乜腥味， 容易入口，又會溶化係口中，鮮香不錯～ ▲之後就到我地既戲肉海鮮磯燒，今次磯燒會有專人幫手燒， 可以坐埋一邊享受被服務既感覺，同某類韓國燒肉店有異曲同工之妙。 ▲磯燒會先從貝類燒起，味道由淡至濃，又海鮮亦會配搭調製醬汁作調味， 另外餐廳仲提供左海鮮醬、柚子醬同味噌醬，任自己喜好選擇。 ▲紐西蘭活蟶子皇，肉質肥美爽口，唔配任何醬汁依然食得出鮮甜味。 ▲桂花蚌，大隻又煙韌，而且食落去好有嚼勁，鮮味不俗。 ▲帆立貝，店員會分開一小塊黎燒，燒既時間比較長， 而味道相當鮮甜，加上貝殼上既海鮮湯汁，鮮口好食！ ▲磯燒過一番後就到釜飯上菜，嗌左個燒鵝肝牛小排釜飯， 鵝肝外層有輕微炸過，食落去有少少肉汁及鹹香味， 而牛小排切至小塊，可加上紫菜調味，飯量偏多， 仲可以加上茶，當茶漬飯咁食都得～ 整體黎講，日本料理有不錯水準，店員既磯燒功力唔錯， 火喉岩岩好，令海鮮留住鮮味，而壽司既魚類方面都唔會有腥味，釜飯頗特別。 岩鹽日本料理 電話：3622 3998 地址：銅鑼灣波斯富街99號利舞臺廣場16樓A舖 評分詳情可按以下OpenRice連結喔! email: noshan2009@gmail.com ＊facebook＊OpenRice＊instagram＊ ＊theztyle＊UBeauty＊she.com ＊beautyexchange＊Qooza Beauty＊iTrial＊ELLE＊blogspot＊WeShare＊Wordpress＊Shewin＊MyCossip＊Style-Tips＊ 以上全屬個人分享
