大家平時經過卓悅,sasa既時候,係米成日見到Pobling潔面機既蹤影呢?? 價錢大約$14x左右,點解近期會咁hit?? 好多網店,樓上鋪都有賣Pobling,真係潔面神器咁好用? 咁岩我之前玩活動拎左部第六代番黎,我就同大家分享下喇!! Pobling 聲波振動潔面刷 Pore Cleanser 15000根纖維柔軟微細的刷毛 每分鐘能震動10000次 可輕鬆深入毛孔徹底清除污垢 有效溫和去除面部過剩油脂及老化角質 使用AAA電池 先睇下我果部先! 因為用左差唔多個半月以上~個盒已經比我掉左 其刷頭的特製纖細刷毛 可以深入毛孔把殘留的髒東西帶走 刷頭既毛好細密,摸上去好柔軟,完全唔會整傷皮膚,值得一讚! 刷頭3個月需要更換一次,扭開既方式亦都非常方便 使用方法 1.把臉部打濕將洗面乳均勻塗抹在臉上 (建議使用較容易起泡沫的洗面乳) 2.然後用洗臉機開始 由內往外 由下往上 以畫圓的方式開始清洗臉部使用1分鐘即可 3. 用完後將刷頭用清水沖洗乾淨，並存放於乾爽通風處 同佢原本既使用方法有少少唔同,就係我會將洗面乳塗係刷頭上,再用手指摔勻~ 因為本人比較懶xd Pobling既聲波震動可以對毛孔進行徹底清潔, 而我覺得下巴,鼻翼同面係重點要「震」既位置! 我會係果到停留一段時間,而且不停重覆打圈~ ＊同場加映＊ Pobling既賣點係為皮膚徹底清潔,所以底妝方面一樣可以被「震」走! 我覺得落完妝,再用一次Pobling洗一次面,係清潔過用對手! 我試過用完落妝水落晒之後用Pobling洗多次面,係見到佢刷頭上既泡沫係橙黃色!! 證明我未完全落晒q_q!!如果化妝品殘留係皮膚上會令皮膚變差.. 所以Pobling既清楚程度我好信任~~ 不過佢又未算好晒,我見網上有sis同我有相同經歷就係..用Pobling出多左暗粒! 對!我都有相同情況,平時好少生既,但自從用左佢之後,冇神神出多粒咁, 可能係刺激到皮膚/太乾淨令毛孔分泌更多油脂 所有暗瘡性膚質不建議使用><!!洗爆粒瘡好易傳染去第2度:s ＊用後圖＊ 用左大概個幾月我覺得整體都唔錯!有朋友冇見我一排,話我面夾既毛孔細左(果時好開心xd) 所以我覺得Pobling都係值得一用既產品~不過壞處係容易出暗粒! 注:左圖係出至annie's way既用前照 email: puishan123456@yahoo.com.hk ＊theztyle＊UBeauty＊she.com ＊beautyexchange＊Qooza Beauty＊iTrial＊Ｆ＆Ｂ＊ELLE＊ 以上全屬個人分享。
