一入到去環球影城,即去排現時大熱既哈利波特4d禁忌之旅! 一入到去直衝,第一個轉彎位向右,行行下就見到佢 佢地既右手邊係細佬天地,左邊繼續行就係哈利波特啦。 ron架車 哈利波特4d禁忌之旅排到出城堡。哈利人氣實在太強,我地無fast pass 哈利波特4d禁忌之旅排左2個鍾先玩到。 入到去職員俾張卡仔你,去locker(唔需要放低100yen)擺低野,記得拿返張卡俾職員就真正排入去玩啦 裡面就一架車4個人一排咁坐,帶上3d眼鏡後,妙麗同你講堆日文,hayaku後就出發啦! 架車會360度咁郁,但無咩離心力既,感覺就係你係電影既一部分,當中噴下水又有的熱咁,係刺激既,玩完轉到少少暈,但係好好玩。特別睇過哈利波特既人會覺得好感動呢,不枉排咁耐。 玩完4d禁忌之旅,咁岩青蛙合唱團開始表演了! 唱完有得同佢地合照的。 佢地件袍係未好靚呢,貴到喊,霍格華茲真係一間貴族學校黎。 買左陣野後(朝早成個哈利波特區都好多人),又有表演開始了 四目相投就想戰鬥! 白天的霍格華茲。 影完我地見太多人就走左佬了,到黃昏再入過黎! 點擊圖片放大 黃昏既活米村。 今次我地去左奧利凡德商店,睇簡魔扙過程,最surprise係佢係講英文ga!聽得明幾開心,佢會簡個人出黎重演哈1既劇情,完左就出去自己簡魔扙啦,多到上天花板都係得12種 跟住再去玩鷹馬的飛行,中間經過海格小屋。個過山車完全係大伏黎,上去就係吹下風,真係一下就玩完。一開始好快速度咁上斜,你就開始尖叫啦,仲未feel到離心力就完左,你以為仲有一圈果陣,日本妹就請你離開啦,真係一圈就完 :-D 海格小屋 最後我地再玩多次哈利波特4d禁忌之旅(今次唔駛排隊),再去貓頭鷹郵局寄postcard。 要入到去貓頭鷹郵局問職員買postcard的,擺到似幅畫多過postcard,一張postcard連2張郵票,郵票設計都係哈利波特主題,一張就差唔多$HKG40到。 建議朝早黃昏至晚上都去園區一次,都有唔同既美! 點擊圖片放大 水也妹