話就話係五日四夜, 但其實晚機去早機返, 實情得三日時間玩。主打休閒唔CHUR, 去既地方唔多, 食既唔多,輕輕鬆鬆又一天啦。 來回坐PEACH樂桃 來回連稅1782一位。16:00機去 因為天空混亂(地勤姐姐咁講), 就DELAY左半個鍾 終於起飛了! 坐PEACH可以用優恵優買南海電鐵既飛(下面取至PEACH官網) Peach・Namba Kippu (Peach難波套票) (1)Peach・Namba Kippu 特惠單程乘車券+ Rapid特急券: 1,030日圓(普通座位/一般販賣價1,430日圓) 可利用區間:南海電鉄 關西空港站 → 難波站 票券有效期間:限販售當日有效(中途下車前途無效) (2)Peach・Namba Kippu 特惠單程乘車券 890日圓(一般販賣價920日圓) 可利用區間:南海電鉄 關西空港站 → 難波站 票券有效期間:限販售當日有效(中途下車前途無效) 我地就係機上買左一RAPID特急,空姐就俾張單仔你,去到機場係南海電鐵櫃檯出示就可以換成地鐵劵啦。下面果三張就係 一張紀念 一張出入地鐵 最下果張就係坐位 RAPID 特急, 30分鍾內就去到難波 大阪交通好方便,當中都有唔少PASS。因為我地今次全程住大阪,去一日京都咁大把,所以就無買PASS,不過都以我所知既介紹下啦。 大阪鐵路分兩間公司, 一係大家最熟既JR, 另一間就係南海電鐵。兩間係關西機場係痴埋一齊。兩間都有機場去大阪/京都既PASS, 可以睇下邊個近住既地方多的而買METRO/JR。 介紹左南海電鐵的PASS先, OSAKA AMAZING PASS 分一日同二日PASS, 1 DAY就2300 yen, 2DAYS就3000 yen. 可以係大阪市內無限次坐metro. 當中包括28個景點免費入場。 http://www.osaka-info.jp/osp/cht/index.html KANSAI THRU PASS 又叫關西周遊卡,可以係成個關西(包括大阪,京都,奈良,神戶等都得)metro,巴士,電車任意搭(不可坐JR)。分二日同三日pass,好處就係佢唔需要連續日子使用,最岩係住係大阪但又想玩幾日京都又覺得連續幾日都去京都chur既朋友。 特急列車由難波到京都約50mins 2days pass 4000yen, 3 days pass 5200yen. rainbow card 類似香港[八達通],不過佢係插唔係o都。 去metro的售票機會有個column叫rainbow card,買就最少一千yen,佢會俾張飛你,裡面有1000yen,每次出站就會係張飛扣錢。當得返幾十yen唔夠錢出站,可以用精算機加錢/退飛,裡面既餘額就用現金退返哂,張飛都會同時無左。 南海鐵路隔離就係JR TICKET OFFICE ICOCA&HARUKA 依個係個set黍,icoca就好似香港[八達通],硬卡黍,可以o都住咁入站出站, 可以係jr的售票機買,收500yen押金。即係用1000yen買張icoca就得500yen可以用。icoca好方便,係metro地鐵,巴士,電車都可以o都。另外飲料機有的都有得o都。 haruka就係張地鐵飛,由關西機場直接連通天王寺、新大阪、京都。 一張icoca加來回haruka就4060yen。 kansai area pass 分1-4日pass,但要連續日子使用。職員會問你邊日start就開始計。可以任坐關西地區jr線,包括去機場果程既haruka。 另外係JR ticket office可以買定指定日子既環球影城劵,買左都係一張單仔,去到職員會換返球影城劵俾你,唔需要另外排隊。 最後推薦去日本既朋友一個APP叫NAVITIME,成個日本的地鐵資訊包哂,點對點搵上車站同落車站,就會出最快行車路線同車費,仲有幾時開車,非常實用。 水也妹