交通方便單人友善，食完順便行街買3C！ 嚟台灣玩想食韓燒？兩班家集團旗下、飄香超過 60 年嘅「高麗園銅盤烤肉」喺全台灣有 6 間分店（包括台北三創、南港 CITYLINK、桃園大江、台南 MITSUI OUTLET PARK 同高雄等分店）。今次介紹嘅係位於台北三創園區九樓嘅分店（喺金大鋤壽喜燒左邊），由捷運忠孝新生站行過去只需 5 分鐘！呢度對單人客超級友善，當日最少見到 5 個客自己一個食得好開心；而 65 歲以上長者仲有大約 80 蚊台幣嘅優惠折扣。食飽飯仲可以去隔離光華商場睇最新 3C 科技產品，或者行下 DON DON DONKI 唐吉訶德忠孝新生店、MyAnime Café 動漫主題餐廳，行程超豐富！點擊圖片放大 +11 🍽️ 食評大公開：肉質一般靠醬汁，熱食反而有驚喜！ 呢度主打韓式銅盤烤肉加火鍋。老老實實，啲醃肉肉質一般，而且肉片切得有啲厚，食幾塊就已經好飽，主要係食佢個韓式醬汁味。燒肉秘訣提提你：記得要係咁將旁邊啲湯淋上去個盤度，如果唔係好容易燒焦（我就係咁燒燶咗），旁邊啲水仲可以攞嚟煮下大舊凍豆腐吸湯汁。要用 QR Code 點嘅熱食反而充滿驚喜！今日心目中嘅 NO.1 係「海鮮煎餅」，入面有蝦仔同章魚塊，絕對必食（我仲 encore 叫多咗碟）！另外「韓式人參粥」好特別又好味，「年糕湯」啲年糕好 Q 好煙韌。自助吧嘅小菜方面，我極力推薦喺街市（南門市場）賣得好貴嘅蓮藕片，同埋地道韓國泡菜！最後仲有芝麻雪糕做甜品。⚠️ 中伏位與用餐貼士 魚板串湯完全冇味，可以直接飛走唔使試！最後提提大家，呢度用餐時間得 90 分鐘，感覺冇得好悠閒咁慢慢歎，食得會比較趕，大家要把握時間呀！🔎 About Chewing Brother 蚯蚓弟弟 我哋係你專屬嘅「Global Food Detective 旅遊美食任食偵探」！帶你發掘台灣同全世界高 CP 值好嘢食，幫你試伏，請多多支持同訂閱 Chewing Brother 旅遊美食頻道呀！🏷️ 標籤#高麗園銅盤烤肉 #兩班家集團 #三創美食 #台北任食 #韓式烤肉任食 #單人友善 #海鮮煎餅 #光華商場 #忠孝新生美食 #台灣自由行 #港人遊台 #試伏偵探 #ChewingBrother #蚯蚓弟弟
