小弟中六嗰年暑假因搵唔到暑期工,媽媽便叫我去學車,但只肯支付自私波學費,棍波免問。她覺得如果買車都唔會買棍波車,別浪費金錢。 [Morgan 車廠- Malvern Link, Worcs]以我過往喺英國學車嘅經驗,多數學自動波大多是傷健人士;四肢健全嘅人只會學棍波。點解?因為買或租棍波車係平好多囉。大個咗才意識到其實真正喜歡車同駕駛嘅人係唔會喜歡自動波。 有時候你覺得係好嘅嘢人哋甚至大衆又未必覺得係好。香港總有一些人好鍾意將自己個見解套在他人身上,迫人跟佢果套。咁樣真係好咩?咁樣會得到尊敬、得到人心嗎?你可以令我屈服,但洗不掉我嘅思想,帶不走我嘅信念也磨滅唔到我嘅意志⋯⋯我講緊學車咋🍎