估唔到差不多廿年個價錢都仍然係一樣,真係難以置信!英國嘅通漲確實係少過香港好多。漸漸覺得英國物價平過香港。 [圖文不符] 日本人開嘅Glams Hair Lounge - Surfers Paradise, Gold Coast喺學生年代,小弟會同幾個同學去剪£5嘅頭髮。唔好以為去啲好up-dup後巷之類嘅地方,查實去Vidal Sassoon Academy做白老鼠。如果識得 VS 嘅學生仲可以係免費添。所以之前去過幾次都從來冇俾過錢。其他非學生/護士嘅人仕都只係要俾£15啫。荀呢😄記得有一次見到我個VS學生朋友俾老師安排幫一個疑似露宿者洗頭(好明顯係其他學生唔願意幫個咁臭嘅人洗頭。呢啲咁厭惡嘅工作就自然會落喺亞洲人手上。不過大部分英國人都算幾公平嘅,做完呢個任務後,個老師加咗我個朋友兩倍分數以示獎勵。所以初黎報到嘅朋友唔好怕蝕底,盡量發揮香港人嘅獅子山精神- 盡量做,頂硬上。英國嘅香港人要爭氣阿!https://www.sassoon-academy.com/en/academy/uk/Models-Wanted