連買份報紙都可能俾人炒,唔知第時會唔會去名店鳩嗚都冇咗呢個自由呢?當而家仲有呢個自由嘅時候等我介紹吓近期我喺英國網購買咗啲乜嘢啦。遲啲可能只可以買new balun …真係balun Selfridges 英國三大著名百貨公司之一。手袋、鞋、嬰兒服裝、護膚品、家品、食物等都有。好多嘢係賣得平過香港,所以小弟唔需要喺香港去啲藥妝店買護膚品。以前有個年乜伐嘅員工同小弟講:「其實你呢類型嘅人係我公司心目中嘅target 客戶」。但好抱歉,我諗我幫襯過唔多過五次,每次只是齋睇唔買。可能因為佢入貨多數入啲黑/白較為保守大路嘅顏色,搞到我次次都要網購無緣當佢哋嘅顧客。用Selfridges + £40就全年任送香港。如果係英國本土全年運費只係£10!真係慳唔少腳骨力同車費。Jimmy Choo 近排真係迷大馬拿督拿督Jimmy 仔迷到一個點。Jimmy 仔中文名叫周仰傑,檳城客家人,老婆係香港人,父親都係做鞋嘅,所以佢好細個已經識做鞋。周拿督喺1988年London fashion week 打響名堂,佢嘅捧場客包括已故戴安娜王妃、威廉嫂凱特等。某些人成日嘲笑香港人移民去英國做二等公民,自己冇親身經歷過冇能力冇勇氣出去闖就亂撥冷水,啲成功華人例子又唔見你講?人哋世界知名不知幾架勢,奧斯卡行紅地氈啲女星都唔知幾多著阿Jimmy 仔啲鞋。如果做得出色兼配合天時地利人和,香港人總有出頭天。以上網頁全部DHL幾天內送到府上,方便過出街買。有疫情、work from home、要留係屋企湊仔嘅人仕就啱晒。