(可能係,又可能唔係)其實移民最放不下就是要離開現在這份工作。這應該算是我做過最好嘅公司- 雖然不是最好玩的一份工。小弟從新加坡回來不久曾做與現職公司有些工作上嘅交流,興建一些地標性結構;亦心知此公司多數只聘用年資高嘅專業人士,要經兩輪面試且十分難被受聘。小弟用了差不多十年向上爬,在多個範疇努力打拼增加知識廣結人緣才能最終得到受聘。 離開多數都是傷感,充滿了取捨同依依不捨。當年離開倫敦也如是,誰不想在倫敦大展拳腳建設新橫貫鐵路(呢條鐵路其實係小弟大學論文嘅題目,好似起咗十幾年都未完?!做呢份工真係發達!)因當時建築界就是沒甚麼大基建(而橫貫鐵路只開始了前期鑽探工作),連在著名大學攞first class honour嘅英國仔都在英國搵不到工來港謀生時,小弟當時也不得不回來亞洲發展。可能這個原因就造就咗我不斷飄泊嘅故事。 當小弟心感惋惜失落之際,新機遇又突然降臨!小弟終於有一個網上見工嘅機會。今次當然又係見一份該省最大規模嘅大型地標項目,仲要同一個HR 經理加兩個經理一齊面試。小弟從來都未試過網上見工,所以要俾啲時間準備,希望做到最好:閲讀該工作相關資料及新聞報道。了解相關嘅地質、項目範圍等資料。準備問面試人員嘅問題。其實見工都係相對嘅:人哋睇吓你適唔適合嘅同時,你都要睇吓你自己適唔適合呢個工作環境。同埋評估吓幾多點開工幾多點收工要搭幾耐車返工及使唔使開夜等。我最後問到原來佢哋返6:30am 放5pm, 計埋返工時間咁豈不是每朝要五點起身?天呀!睡魔是小弟大敵!下載相關視像程式及多番測試確保當日冇技術問題。安頓好我個小甜心;由於佢好痴身,會嘈住我見工,所以已安置到我媽媽家中暫住。校幾個鬧鐘起身見工(因為有時差,要查清楚當地時間才校鬧鐘)戰後感想:網上見工喺有少少狀況係始料不及。就算帶咗耳機亦可能聽到自己回音或面試人員嘅回音。一路聽住自己回音一路講嘢係好影響表現。都知道今次見得麻麻哋,但有得見好過冇得見,當係一個磨練吧。之前我驚聽唔明當地人嘅口音,好彩呢堆應該唔係農村人,所以99%聽得明。緊張係見工嘅大絆腳石。呢一點我應該喺短期內進步唔到。喺倫敦考牌面試後立即衝入厠所狂嘔,今次我個肚就唔係幾合作,面試完拉肚子了幾遍😅因為呢份工係有人幫手(應該係高層啩),所以我連個job title 都唔知,講得太多同job description不太相同嘅經驗某程度上減低了勝算。如果今次唔得,希望下次會遇到更適合嘅工種。但正如我前幾個post 所講「識人好過識字」,多啲聯誼係確實對搵工有幫助。心情像過山車般經過高山低谷...又係時候收拾心情繼續返工,繼續做香港奴隸。後記:文中提到的那個久沒聯絡的英國仔剛告訴我他也要開始準備舉家的飄泊旅程,但看似是不會返英國喇。雖然依依不捨深愛著香港,但時間到了非走不可。想同所有工作上遇到的同事們說聲~江湖再見!希望會在另一個國家再做同事。